30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Արքայազն Չարլզը հրաժարվել է ներկա գտնվել արքայադուստր Դիանայի հուշարձանի բացմանը․ Express
Քաղաքականություն
29.06.2021 | 22:18
Արքայազն Չարլզը հրաժարվել է ներկա գտնվել նախկին կնոջ՝ արքայադուստր Դիանայի հուշարձանի բացմանը։ Այս մասին հայտնել է Express-ը։
Ուելսի արքայազնի ընկերներից մեկի խոսքով՝ նա չի ցանկանում «հին վերքերը փորփրել»։
«Նրա համար դա շատ դժվար է։ Այդ պահերը կարող են նրա հիշողության մեջ արթնացնել համատեղ կյանքի երջանիկ, տխուր ու ափսոսանքի արժանի պահերը։ Դիանայի մահից հետո Չարլզը որոշել է, որ ավելի լավ է՝ բոլոր հիշողությունները թողնել իր ներսում»,- հայտնել է աղբյուրը։
Արքայազն Ուիլյամի և Հարրիի մոր՝ Դիանայի հուշարձանը կբացվի 2021 թվականի հունիսի 1-ին՝ նրա 60-ամյակի կապակցությամբ, Քենսինգթոնի ամրոցի այգում։ Եղբայրները ներկա կգտնվեն բացման արարողությանը․ հանուն այդ օրվա արքայազն Հարիին ԱՄՆ-ից հայրենիք է վերադառնում։
Հիշեցնենք՝ արքայադուստր Դիանան Փարիզում ավտովթարից մահացել է 1997 թվականի օգոստոսի 31-ին։ Mercedes-ը, որի մեջ նա եղել է միլիարդատեր Դոդի Ալ-Ֆայեդի հետ, բախվել է թունելի պատին։
Տաթև Ֆռանգյան
