24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
«Պատիվ ունեմ» դաշինքն առայժմ մանդատները վերցնելու հարց չի քննարկում, դա կախված կլինի ՍԴ դիմելու արդյունքներից․ Սոս Հակոբյան
Քաղաքականություն
28.06.2021 | 15:00
Երեկ՝ հունիսի 27-ին, Կենտրոնական ընտրական հանձնաժողովն ամփոփեց հունիսի 20-ին կայացած Ազգային ժողովի արտահերթ ընտրությունների արդյունքները։ Ըստ այդմ՝ պարզ դարձավ, որ խորհրդարան անցած երեք ուժերի միջև մանդատները բաշխվելու են հետևյալ կերպ․ «Քաղաքացիական պայմանագիր» կուսակցությունը խորհրդարանում կստանա 71, «Հայաստան» դաշինքը՝ 29, «Պատիվ ունեմ» դաշինքը` 7 մանդատ:
Factor TV-ն կապ հաստատեց «Հայրենիք» կուսակցության մամուլի քարտուղար Սոս Հակոբյանի հետ՝ պարզելու համար, թե «Պատիվ ունեմ» դաշինքի առաջին 7 համարները պատրաստվում են արդյոք վերցնել մանդատները, թե ինքնաբացարկներ են լինելու։
«Դեռ պարզ չէ, քանի որ մենք պատրաստվում ենք դիմել Սահմանադրական դատարան, որի արդյունքներից կախված Ձեր հարցը կհստակեցվի»,- ասաց Հակոբյանը։ Այսինքն, այս պահին չի՞ քննարկվում մանդատների հարցը՝ «Հայրենիք» կուսակցության մամուլի քարտուղարը նշեց․ «Ո՛չ, այս պահին՝ ոչ»։
Սոս Հակոբյանը շեշտեց նաև, որ ՍԴ դիմելու կոնկրետ օր դեռևս չեն կարող նշել, և այդ մասին կհայտարարեն առաջիկայում։ Դաշինքը Սահմանադրական դատարանից մտադիր է պահանջել անվավեր ճանաչել արտահերթ խորհրդարանական ընտրությունների արդյունքները։
Մերի Մարտիրոսյան
