30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
«Չաթլախի» հարցը հարթված է վաղուց. «Ժողովուրդ»
01.03.2018 | 09:48
«Ժողովուրդ» թերթը գրում է.
«Տարիներ առաջ, երբ ՀՅԴ-ն դեռ ընդդիմադիր էր և «հրաշալի քառյակի» կազմում պահանջում էր իշխանությունների հրաժարականը, այն ժամանակ արդարադատության նախարար Հրայր Թովմասյանը, արձագանքելով այդ երևույթին, ասել էր, թե «ղալաթ են անում»: Ի պատասխան` ԱԺ ՀՅԴ խմբակցության ղեկավար Արմեն Ռուստամյանը հակադարձել էր. «…եթե մենք նրան ասենք` ղալաթ ես անում, չաթլա՛խ, թող չնեղանա»: Այս բարձրաձայնումից հետո Հրայր Թովմասյանը խոստացել էր. «Մեր իրականության մեջ նման բառերի օգտագործումը երբեք անպատասխան չի մնում և ներողությունով չի հարթվում… Ինձ համար փակված է այդ հարցն այնքան ժամանակ, քանի դեռ ես նախարար եմ: Ինչ կլինի դրանից հետո, վստահ եմ՝ բոլորը կիմանան»:
Ինչպես հայտնի է` Թովմասյանը վաղուց նախարար չէ, բայց պարզվում է՝ այդպես էլ չի պատասխանել Արմեն Ռուստամյանին: Համենայնդեպս, երեկ «Ժողովուրդ» օրաթերթը դեռ ՀՀԿ-ական պատգամավոր, ապագա ՍԴ անդամ Հրայր Թովմասյանից հետաքրքրվեց՝ ինչ պատասխան է տվել Արմեն Ռուստամյանին: «Այդ հարցը հարթված է վաղուց»,- եղել է պատասխանը` առանց հստակեցնելու»:
Առավել մանրամասն՝ թերթի այսօրվա համարում:
