24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Առաջին իսկ հնարավորության պահին վայր եմ դնելու նախագահական լիազորություններս․ Արայիկ Հարությունյան. ՏԵՍԱՆՅՈՒԹ
Քաղաքականություն
23.06.2021 | 14:42
Պատրաստ եմ հրաժարական տալ առաջին իսկ հնարավորության դեպքում, երբ հանրապետությունը ներքին ու արտաքին պայմանների ու սահմանադրական կարգավորումների առումով պատրաստ լինի պատշաճորեն ու արժանապատվորեն հաղթահարել նախագահական ու խորհրդարանական ընտրությունների դժվարությունները: Այս մասին հունիսի 22-ին Արցախի Վերածննդի հրապարակում ասել է Արցախի Հանրապետության նախագահ Արայիկ Հարությունյանը՝ հրապարակային ուղերձով դիմելով արցախահայությանը։
«Առաջին իսկ հնարավոր պահին վայր եմ դնելու նախագահական լիազորություններս և դուրս եմ գալու քաղաքականությունից»,- ընդգծեց Արայիկ Հարությունյանը՝ հավելելով, որ պատրաստվում է առաջիկա օրերին կոնսուլտացիաներ սկսել քաղաքական ուժերի հետ այն հարցի շուրջ, թե արդյոք Արցախը պատրաստ է հաղթահարել նախագահական ու խորհրդարանական ընտրությունների դժվարույթունները:
Նա հավելեց, որ հրաժարական չտալու պատճառը ոչ թե աթոռից կառչած լինելն է, այլ պատասխանատվությունը։
«Հիմարություն կլինի մտածել, թե հաճույք եմ ստանում ներկա իրավիճակից, թե ես որևէ անձնական շահագրգռվածություն ունեմ շարունակելու պաշտոնավարումս։ Ամենևին ոչ, ես պարզապես ինձ պատասխանատու եմ զգում մեր ժողովրդի ու հաջորդ սերունդների հանդեպ, այնքան պատասխանատու, որ հանկարծ իմ հուզական ու անհեռատես փախուստով չկործանեմ մեր պետականությունը, ներառյալ հրաժարականս պահանջող անձինք չմնան պետականության փլատակների տակ»,- նշեց ԱՀ նախագահը:
Նա շեշտեց, որ ինքը փախչող տեսակ չէ և չի պատրաստվում «ալեկոծված ծովում նավը թողնել առանց նավապետի»:
Մանրամասները՝ տեսանյութում:
