24.04.2026 | 09:28
Սգալու հետ մեկտեղ պետք է գիտակցենք, որ այս օրը նաև անցյալից հետևություններ անելու, ուժեղանալու և ապրելու մասին է․ Ալեն Սիմոնյան
Պատերազմի ընթացքում հրամանատարությանը միայն խորհուրդներ տալու հնարավորություն ունեի․ Ա․ Հարությունյան. ՏԵՍԱՆՅՈՒԹ
Քաղաքականություն
23.06.2021 | 12:45
Արցախի քաղաքական ղեկավարությունը՝ ներառյալ Արցախի նախագահը, որևէ կառավարող գործառույթ չուներ պաշտպանության բանակի նկատմամբ, և պատերազմի ընթացքում ես հրամանատարությանը միայն խորհուրդներ տալու հնարավորություն ունեի: Այս մասին Արցախի Վերածննդի հրապարակում հրապարակային ուղերձով դիմելով արցախահայությանը՝ նշեց Արցախի Հանրապետության նախագահ Արայիկ Հարությունյանը:
«Իրավապահ մարմիններն Արցախում և Հայաստանում տարբեր քրեական գործերի շրջանակներում արդեն նյութեր են հավաքել, ես նույնպես 8 ժամ ցուցմունք եմ տվել, և եթե որևէ մեկը հանցավոր արարք է կատարել, պետք է պատասխան տա: Ես պատրաստ եմ ընդունել իմ սխալներն ու պատասխանատվությունը: Միանշանակորեն կարծում եմ, որ օբյեկտիվ քննությամբ ապացուցված բոլոր մեղավորները պետք է օրենքի ողջ խստությամբ պատասխանատվության ենթարկվեն՝ և՛ Արցախում, և՛ ՀՀ-ում, ով ուզում է լինի՝ Արցախի նախագահից սկսած՝ մինչև ՊԲ հրամանատար, ՀՀ վարչապետից սկսած՝ մինչև ԳՇ պետ ու մնացած հրամանատարները:
Ես պատրաստ եմ իմ լիազորությունների շրջանակներում աջակցել այդ գործընթացներին: Իսկ օբյեկտիվ ու սուբյեկտիվ սխալների ազդեցությունը պատերազմի հետևանքների վրա պետք է գնահատեն համապատասխան մասնագետները»,- իր ուղերձում նշեց Արայիկ Հարությունյանը:
Մանրամասները՝ տեսանյութում:
