Քաղաքականություն
23.06.2021 | 12:40«Պատիվ ունեմ» դաշինքի ընտրական ցուցակը գլխավորող ԱԱԾ նախկին տնօրեն Արթուր Վանեցյանն այսօր մամուլի ասուլիսում պարզաբանեց, թե ինչու է ասել «Крым наш». այս արտահայտությունը տարատեսակ մեկնաբանությունների առիթ էր տվել։
««Крым наш» ասելով` եթե բառացիորեն եք թարգմանում, ստացվում է, որ Ղրիմը հայկական է։ Կարո՞ղ է` ես նման բան ասեի։ Իհարկե ոչ։ Ի՞նչ եմ ես ասել։ Դա եղել է մի պատասխան, որն ունի շարունակություն։ Շարունակությունը հետևյալն է. Ժողովուրդների ինքնորոշման իրավունքը անքակտելի է, և ես զուգահեռներ եմ անցկացրել արցախյան հակամարտության հարցի հետ։ Ասել եմ, որ եթե Ղրիմի բնակչության 95 տոկոսից ավելին իր ազատ կամարտահայտության միջոցով ցանկություն է հայտնել միանալու ՌԴ–ին, ապա այդ իրավունքը պետք է հարգվի և առաջին հերթին պետք է հարգվի ՀՀ–ի ու հայ ժողովրդի կողմից, որովհետև մենք ունենք Արցախի հարց, որտեղ անկյունաքարային է ժողովրդի ինքնորոշման իրավունքի իրացումը»,- ասաց Վանեցյանը։
Հիշեցնենք` Վանեցյանն այս արտահայտությունn արել էր հունիսի 9-ին Մոսկվայում Վլադիմիր Սոլովյովի հաղորդմանը տված հարցազրույցում։
Նույն հարցազրույցում նա նաև հայտարարել էր. «Я кадровый чекист», հավելելով, որ ավարտել է Ռուսաստանի Անվտանգության դաշնային ծառայության ակադեմիան և հպարտ է, որ այնտեղ լավ կրթություն է ստացել։
Մեկնաբանելով իր այս արտահայտությունը` Վանեցյանն այսօր նշեց, որ «кадровый чекист»-ը ԱԱԾ ներկայացուցիչների ժարգոնն է:
ԱԱԾ նախկին տնօրենը, սակայն հիշեցրեց, որ դեռ այդ պաշտոնում եղած ժամանակ հայտարարել, որ Հայաստանի ԱԱԾ-ն իրեն խորհրդային ККБ-ի (ՊԱԿ-ի ) իրավահաջորդը չի համարում։
Մանրամասները՝ տեսանյութում:
