Ռուս սահմանապահները կտեղակայվե՞ն Գեղարքունիքում. բանակցությունները շարունակվում են

Շուրջ 40 օր է անցել այն պահից, երբ Ադրբեջանական ուժերը խախտեցին սահմանը և տարբեր ուղղություններով դիրքավորվեցին Հայաստանի ինքնիշխան տարածքում։

Մինչ Հայաստանում քաղաքական ուժերը զբաղված էին քարոզարշավով, խնդիրը դեռ շարունակում է մնալ չլուծված։ Այս ընթացքում որպես խնդրի լուծման հնարավոր տարբերակ խոսվում էր Գեղարքունիքի մարզում՝ հայ-ադրբեջանական սահամանային հատվածում ռուս սահմանապահների տեղակայման ու սահմանագծից Հայաստանի և Ադրբեջանի զինված ուժերի հետքաշման մասին:

Ինչ փուլում է այս գործընթացը․ հունիսի 22-ի ճեպազրույցում հարցին պատասխանեց Զինված ուժերի գլխավոր շտաբի պետը։ Վերջինս նշել է, որ բանակցություններ են ընթանում, երբ կլինի վերջնական որոշում՝ հանրությունը կտեղեկացվի:

Այս ընթացքում Հայաստանի սուվերեն տարածքում մնում են թշնամական պետության զինված ուժերի շուրջ 1000 ներկայացուցիչներ: Արտակ Դավթյանը Factor TV-ի հարցին ի պատասխան նշեց, որ այս թիվը էական չի նվազել:

Որպես ադրբեջանցիներին ՀՀ տարածքից հեռացնելու տարբերակ Նիկոլ Փաշինյանն ընտրություններից առաջ առաջարկել էր սահմանին տեղայակել Ռուսաստանի կամ ԵԱՀԿ Մինսկի խմբի համանախագահության որեւէ պետության դիտորդներ: Սակայն, ուշագրավ է, որ ընտրությունների արդյունքերի պարզ դառնալուց հետո ԳՇ պետը եւ Գեղարքունիքի մարզպետը հայտարարում են միայն ռուս սահմանապահների տեղակայման քննարկումների մասին:

Արտակ Դավթյանից լրագրողները հետաքրքրվեցին, թե ինչու մյուս պետությունների դիտորդներ չեն տեղակայվում:

Մանրամասները` տեսանյութում։

Նարեկ Կիրակոսյան