24.08.2026 | 21:14
Կառավարությունը ներկայացրել է 2026-2031 թթ․ գործունեության հիմնական ուղենիշները
Պաշտպանության նախարարի հրահանգով ստեղծվել է պատերազմի ընթացքը քննող հանձնաժողով. ՏԵՍԱՆՅՈՒԹ
Քաղաքականություն
22.06.2021 | 11:12
ՀՀ Պաշտպանության նախարարի հրամանով ստաղծված է հանձնաժողով, որը կքննի պատերազմի ընթացքը։ Այս մասին լրագրողների հետ զրույցում հայտարարեց ՀՀ ԶՈՒ ԳՇ պետը։ Արտակ Դավթյանը հավելեց, որ հանձնաժողովը ակտիվ աշխատում է։
«Դասալքությունների և մյուս խնդիրներով բավականին մեծ թվով քրեական գործեր են հարուցված, առաջարկումեմ սպասել քրեական գործերի արդյունքներին»,- նշեց ԳՇ պետը:
Անդրադառնալով հարցին՝ Շուշին և Հադրութն ինչպես այդքան հեշտ հայտնվեցին հակառակորդի վերահսկողության տակ, Դավթյանը նշեց, որ ուսումնասիրություն է կատարվում, և չի կարծում, թե հարցին կարճ ժամկետում կկարողանան վերջնական պատասխանը տալ։
«Յուրաքանչյուր դրվագի, մեղադրանքի հետևում կանգնած են կենդանի մարդիկ, կամ մեր զինծառայողները, ովքեր կամ պետք է պատասխանատվություն կրեն, կամ պետք է այսպիսի մեղադրանքը մերկապարանոց չասվի։ Ինքնանպատակ չէ ինչ-որ մեկին մեղադրել։
Կուսումնասիրենք բոլոր թերություններն ու բացերը և ըստ դրա կներկայացնենք համապատասխան որոշումներ։ Վերջնական եզրակացություն և կարծիք ձևավորված չէ»։
Անդրադառնալով Սամվել Բաբայանի՝ ՊՆ նշանակվելու մասին լուրերին, Դավթյանը նշեց, որ նման տեղեկատվություն չունի. «Դա դուրս է ԳՇ պետի իրավասություններից»։
Մանրամասները՝ տեսանյութում:
