30.10.2026 | 20:39
Բաղրամյանի ընտրություններում ՔՊ-ի ցուցակը կգլխավորի Շանթ Առաքելյանը
Լացս գալիս է, որ 18 հազար ադրբեջանցի ենք ոչնչացրել, բայց պարտություն կրեցինք. Հրանտ Բագրատյան. ՏԵՍԱՆՅՈՒԹ
Քաղաքականություն
18.06.2021 | 14:20
«Պատերազմում Ադրբեջանի զոհերի թիվը կազմում է 18 000 մարդ,- այս մասին լրագրողների հետ զրույցում հայտարարեց «Ազատություն» կուսակցության ղեկավար Հրանտ Բագրատյանը:- Լացս գալիս է, որ 18 հազար ադրբեջանցի ենք ոչնչացրել, բայց պարտություն կրեցինք:
«Զոհերի այդ թվի մասին գրում են ադրբեջանական ընդդիմադիր ԶԼՄ-ները: Այդ մասին ասում են գյուղերում ապրող մարդիկ, որտեղ զոհերի գերեզմանները տասնյակ անգամ ավելին է, քան մեզ մոտ: Զոհերը 2700-ը չեն , ինչպես ասում է Ալիևը: Նա ստում է: Շուշիում Ալիևը ստիպված էր կանգնել, պատերազմը Պուտինը չի կանգնեցրել: Ադրբեջանը այլևս մարդ չուներ՝ կռիվ ուղարկելու համար: Զորք չկար»,- ասաց նա:
«Երեկ Նիկոլ Փաշինյանը խոստովանեց, որ չենք կարողացել նյութականացնել մեր տղաների հերոսությունը:
Նոր «ավոներ» ու «մոնթեներ» կան,հերոս տղաներ կան: Հարցրե՛ք Գլխավոր շտաբում, և այնտեղ կպատմեն, թե ինչպես են 28 հայեր ոչնչացրել 300 ադրբեջանցու, 24 տանկ, 11 զրահամեքենա: Նման պատմությունները շատ են»,-հավելեց Բագրատյանը:
Մանրամասները՝ տեսանյութում:
