30.06.2026 | 11:02
NYMEX. Թանկարժեք մետաղների գները նվազել են
Վլադիմիր Գասպարյանի գույքը կալանքի տակ է. կպետականացվի՞ նախկին ոստիկանապետի առանձնատունը
Քաղաքականություն
18.06.2021 | 13:30
Նախկին ոստիկանապետ Վլադիմիր Գասպարյանին պատկանող անշարժ գույքը դատարանի որոշմամբ հայտնվել է կալանքի տակ:
Գլխավոր դատախազությունն «Ապօրինի ծագում ունեցող գույքի բռնագանձման մասին» օրենքի շրջանակում ուսումնասիրում է Գասպարյանի գույքի ծագումնաբանությունը՝ արդյո՞ք այն ձեռք է բերվել օրինական, թե՞ անօրինական ճանապարհներով: Այս մասին Factor TV-ի գրավոր հարցմանն ի պատասխան հայտնում են Գլխավոր դատախազությունից՝ մանրամասնելով, որ, դատարանի որոշմամբ, գույքի նկատմամբ կիրառվել են հայցի ապահովման կիրառման միջոցներ, ինչը նշանակում է, որ Վլադիմիր Գասպարյանի գույքը կալանքի տակ է, և նա չի կարող այն վաճառել կամ վարձակալության տալ:
Գլխավոր դատախազությունը, հղում անելով «Ապօրինի ծագում ունեցող գույքի բռնագանձման մասին» օրենքի շրջանակում իրականացվող ուսումնասիրության գաղտնիությանը, անպատասխան է թողել Factor TV-ի հարցերն այն մասին, թե Վլադիմիր Գասպարյանի ո՞ր գույքի մասին է խոսքը, ի՞նչ արժի այն, ե՞րբ է ձեռք բերվել և ի՞նչ գնով:
Հիշեցնենք՝ 2018 թվականին «Հետքը» գրել էր, որ Վլադիմիր Գասպարյանը 200 դոլարով 3 մլն դոլարանոց առանձնատան տեր է դարձել: Գասպարյանից այս գործի վերաբերյալ մանրամասներ չհաջողվեց պարզել, նրա հեռախոսահամարն անհասանելի էր։ Փաստաբանն էլ մեզ փոխանցեց, որ այդ թեմայի հետ կապված որևէ մեկնաբանություն չի ցանկանում տալ:
Մանրամասները՝ տեսանյութում։
Նարեկ Կիրակոսյան
