08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
ՔՊ-ն 1000 դոլար պարգև է խոստանում ընտրակաշառքի մասին վկայող տեսանյութի համար․ Փաշինյան. ՏԵՍԱՆՅՈՒԹ
Հասարակություն
16.06.2021 | 13:17
«Քաղաղաքացիական պայմանագիր» կուսակցությունը խոշոր դրամական պարգև է խոստանում նրանց, ովքեր այս փուլում ընտրակաշառքի բաժանման դեպքեր կնկարահանեն ու տեսագրությունը կներկայացնեն։ Այս մասին այսօր Վայոց Ձորում նախընտրական հանդիպման ժամանակ ասաց վարչապետի պաշտոնակատար, ՔՊ վարչապետի թեկնածու Նիկոլ Փաշինյանը։
«Ընտրակաշառքների գործով այս պահի դրությամբ արդեն հինգ հոգի կալանավորված են, նրանք հիմա գտնվում են քրեակատարողական հիմնարկում, և առաջիկա 2 ամսում կշարունակեն գտնվել այնտեղ, հետո ինչքան կդատվեն, դատարանը գիտի, բայց ընտրակաշառքների համար պատժաչափերն էականորեն ավելացրել ենք։
Տասը մեղադրյալի համար ուրիշ խափանման միջոց են ընտրել քննիչները։ Եվ 40 հոգի գտնվում են կասկածյալի կարգավիճակում։ Այսինքն՝ այս պահի դրությամբ արդեն ընտրակաշառքի գործով 55 հոգի անցնող ունենք։ Եվ իրավապահներն առաջիկա օրերին մեզ բավական առատ «բերքահավաք» են խոստանում։
Բայց ես ուզում եմ այդ «բերքահավաքն» ավելի առատ դրաձնել և այսպիսի հայտարարություն եմ ուզում անել. «Քաղաքացիական պայմանագիր» կուսկացությունն ընտրակաշառքի մասին վկայող, ապացուցող տեսանյութի համար խոստանում է 1000 ԱՄՆ դոլարին համարժեք՝ 500 հազար դրամ պարգև այն քաղաքացիներին, ովքեր ընտրակաշառք տալու-ստանալու փորձ կնկարահանեն, երկրորդ՝ կնկարահանեն պետական կամ ոչ պետական հիմնարկների, տեղական ինքնակառավարման մարմինների կողմից ընտրողի վրա ապօրինի ազդեցություն գործելու փորձը։ Մենք այդ դեպքերում 500 հազար դրամ պարգև կտանք յուրաքանչյուր այդպիսի տեսագրության համար»։
Մանրամասները՝ տեսանյութում:
