27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Մենք ամբիցիա չունենք կառավարությունում լինելու, այլ՝ համերաշխություն բերելու․ Մարուքյան. ՏԵՍԱՆՅՈՒԹ
Քաղաքականություն
16.06.2021 | 12:34
Ընտրողների շրջանում համերաշխության ուղերձն օրեցօր ընդունելի է դառնում, այսօր լրագրողների հետ ճեպազրույցում ասաց «Լուսավոր Հայաստան» կուսակցության ղեկավար Էդմոն Մարուքյանը։ Ըստ նրա՝ եթե այսօր ընտրություններին մասնակցող ուժերից երկու ֆավորիտ ուժերը չեն հաղթում, երրորդ տեղում ԼՀԿ-ն է, դա նշանակում է՝ ժողովուրդը պարտադրում է համերաշխություն։ Իսկ դա նշանակում է՝ ազգային համաձայնության կառավարության ձևավորում։
«Ահա բանալին։ Որ ուժը հաղթեց, ասեց՝ 51 տոկոս է, մեր այս խայտառակ օրենսդրությամբ 3 մանդատ բոնուս է ստանում, դառնում է 54 տոկոս, որ համարվի կայուն մեծամասնություն։ Էդ խայտառակ համակարգը չի գործելու այս անգամ, որովհետև ոչ մեկ չի ունենալու 50 տոկոս, և մեր ժողովուրդը պարտադրելու է բոլոր քաղաքական ուժերին՝ ձևավորել միասնական ազգային համաձայնության կառավարություն»,- ասաց նա։
«Մենք ամբիցիա չունենք կառավարությունում լինելու, մեր առաքելությունը համերաշխություն բերելն է»,- ընդգծեց Մարուքյանը:
Հարցին՝ եթե միասնական ազգային համաձայնության կառավարություն ձևավորվի, վարչապետի պաշտոնին չի՞ հավակնելու, ԼՀԿ ղեկավարը պատասխանեց. «Ո՛չ, վարչապետի պաշտոնում պետք է առաջադրվի մի մարդ, որը կունենան բոլոր ուժերի աջակցությունը, և նա կլինի պրոֆեսիոնալ ոլորտի մարդ»:
Մանրամասները՝ տեսանյութում:
