01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Տարոն Մարգարյանը եկամտի աղբյուր չունի՞․ ինչ է հայտարարագրել Երևանի նախկին քաղաքապետը
Հասարակություն
15.06.2021 | 17:49
Factor.am-ը շարունակում է արտահերթ խորհրդարանական ընտրություններին մասնակցող կուսակցությունների և կուսակցությունների դաշինքների ընտրական ցուցակի առաջին երեք տեղերը զբաղեցնող անձանց գույքի և եկամուտների մասին հայտարարագրերը ներկայացնող շարքը։
«Պատիվ ունեմ» դաշինքի անդամ Տարոն Մարգարյանը ԿԸՀ-ին ներկայացրած հայտարարագրում որպես անշարժ գույք է ներկայացրել Ջերմուկ քաղաքում 258․5 քմ մակերեսով ամառանոց և 0․1423 հա հողատարածք։ Որպես շարժական գույք նա ներկայացրել է 2007 թվականի արտադրության Mercedes-Benz S-Class S 450 ավտոմեքենա։
Երևանի նախկին քաղաքապետի հայտարարագրում չկա որևէ թանկարժեք գույք (8 մլն դրամից ավելի արժեքով շարժական գույք)․ այդ աղյուսակը դատարկ է։ Արժեթղթերի և այլ ներդրումների մասին աղյուսակը ևս դատարկ է։ Ըստ հայտարարագրի՝ Մարգարյանն այս պահին եկամտի որևէ աղբյուր չունի։
Հայտարարագիրը ներկայացնելու օրվա դրությամբ «Պատիվ ունեմ» դաշինքի անդամն ունեցել է 100 միլիոն ՀՀ դրամ, 50․000 դոլար, 50․000 եվրո և 1․ 500․000 ռուբլի դրամական միջոցներ։ Տարոն Մարգարյանն այս պահին չի աշխատում։
Արփի Հակոբյան
