03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Ռուսների հետ գերիների մասով աշխատելն անհեթեթ է․ Արամ Սարգսյան․ ՏԵՍԱՆՅՈՒԹ
Քաղաքականություն
14.06.2021 | 20:10
«Հանրապետություն» կուսակցությունն այսօր քարոզարշավ է անցկացրել Շիրակի մարզում։ Արամ Սարգսյանը համակիրների հետ քայլերթով անցել է Գյումրիի պատմական փողոցներով։
Մինչ քարոզարշավի մեկնարկը՝ «Հանրապետություն» կուսակցության ներկայացուցիչները Գյումրիի իրենց գրասենյակում փակ հանդիպում են ունեցել պատերազմից հետո Խծաբերդի հատվածում գերեվարված զինծառայողների հարազատների հետ։ Իսկ լրագրողների հետ զրույցում Արամ Սարգսյանը նշել է, որ գերիների վերադարձի հետ կապված ՌԴ-ի հետ աշխատելն անհեթեթ է։
«Ակնհայտ է, որ Ադրբեջանը գերիներով առևտուր է անում, այս առումով պիտի օգտագործենք բոլոր հնարավորությունները՝ արտաքին քաղաքականից մինչև իրավական, մինչև մեր բարեկամների կամ Ադրբեջանի բարեկամների հետ կոնկրետ աշխատանքը»,- ասել է Արամ Սարգսյանը։
«Եթե ինքը համաձայնվում է ԱՄՆ-ին 15 գերի վերադարձնել, ինչ-որ բան պոկում է Միացյալ Նահանգներից։ Մենք էլ պիտի փորձենք աշխատել առևտրով»,- ընդգծել է նա։
Ըստ Արամ Սարգսյանի՝ մեր իշխանություններն առևտուր անում են միայն Ռուսաստանի հետ, իսկ Ռուսաստանն այդ առևտրում ոչինչ չի անում։
Արմիկ Մովսիսյան
