14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Ո՛չ անշարժ, ո՛չ շարժական գույք․ ինչ է հայտարարագրել Դավիթ Սանասարյանը
Հասարակություն
14.06.2021 | 18:30
Factor.am-ը շարունակում է արտահերթ խորհրդարանական ընտրություններին մասնակցող կուսակցությունների և կուսակցությունների դաշինքների ընտրական ցուցակի առաջին երեք տեղերը զբաղեցնող անձանց գույքի և եկամուտների մասին հայտարարագրերը ներկայացնող շարքը։
«Ինքնիշխան Հայաստան» կուսակցության վարչապետի թեկնածու Դավիթ Սանասարյանի՝ ԿԸՀ-ին ներկայացրած հայտարարագրում չկա ո՛չ անշարժ, ո՛չ շարժական գույք։ Պարզվում է, որ Սանասարյանը չունի նաև որևէ թանկարժեք գույք, որի արժեքը գերազանցում է 8 մլն դրամը։
Սանասարյանը ՀՀ Կառավարությունից ստացել է 448 595 ՀՀ դրամի փոխհատուցում և Պետական վերահսկողական ծառայությունում աշխատանքից ազատվելուց հետո 1 140 928 դրամի վերջնահաշվարկ։
Հայտարարագիրը ներկայացնելու օրվա դրությամբ նրա ունեցած դրամական միջոցները կազմել են 360 206 ՀՀ դրամ։
Հատկանշական է, որ Սանասարյանի ներկայացրած հայտարարագրում դատարկ է նաև արժեթղթի և այլ ներդրումների մասին աղյուսակը։
Արփի Հակոբյան
