24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Արման Բաբաջանյանը չունի՞ թանկարժեք գույք․ ինչ է հայտարարագրել նա
Հասարակություն
14.06.2021 | 15:26
Factor.am-ը շարունակում է արտահերթ խորհրդարանական ընտրություններին մասնակցող կուսակցությունների և կուսակցությունների դաշինքների ընտրական ցուցակի առաջին երեք տեղերը զբաղեցնող անձանց գույքի և եկամուտների մասին հայտարարագրերը ներկայացնող շարքը։
«Շիրինյան-Բաբաջանյան ժողովրդավարների դաշինք»-ի վարչապետի թեկնածու, պատգամավոր Արման Բաբաջանյանի՝ ԿԸՀ-ին ներկայացրած հայտարարագրից պարզ է դառնում, որ նա հայտարարագրել է 431.2 քմ մակերեսով 1 սեփական տուն Երևանի Նորք-Մարաշ համայնքում և 3 հողամաս 1000-ական քմ տարածքով ՝ Մալաթիա-Սեբաստիա թաղամասում։
Ուշագրավն այն է, որ Բաբաջանյանի հայտարարագրում չկա որևէ թանկարժեք գույք․ այդ աղյուսակը դատարկ է։ Հիշեցնենք, որ, ըստ գործող օրենքի, թանկարժեք է համարվում 8 մլն դրամից ավելի արժեքով շարժական գույքը։ Թեկնածուի ներկայացրած հայտարարագրում դատարկ են նաև եկամուտների, դրամական միջոցների, արժեթղթերի և այլ ներդրումների աղյուսակները։
Փոխարենը, նա հայտարարագրել է մեկ շարժական գույք՝ 2011 թ.-ի արտադրության Toyota Land Cruiser ավտոմեքենա։
Բաբաջանյանի պատգամավորական տարեկան աշխատավարձը կազմել է 8 226 430 ՀՀ դրամ։
Արփի Հակոբյան
