03.07.2026 | 12:02
ԱՄՆ-ը մտավախություն է ունեցել, որ Իսրայելը մահափորձ է ծրագրել Իրանի գլխավոր բանակցողներ Արաղչիի և Ղալիբաֆի դեմ. NYT
Հրաչյա Ռոստոմյան. «Թիավարությունը կարող է նպաստել սպորտային զբոսաշրջության զարգացմանը»
26.02.2018 | 17:49
ՀՀ սպորտի և երիտասարդության հարցերի նախարար Հրաչյա Ռոստոմյանն այցելել է Թիավարության մարզաձևերի օլիմպիական մանկապատանեկան մարզադպրոց, շրջել տարածքում, ծանոթացել պայմաններին, տեղում քննարկել սպորտային զբոսաշրջության զարգացմանը մարզադպրոցի հնարավորությունները ծառայեցնելու հարցը:
Նախարարի խոսքերով՝ համաձայն ՀՀ Նախագահի հանձնարարականի՝ լուրջ քայլեր են արվում զբոսաշրջության (այդ թվում նաև՝ սպորտային զբոսաշրջության) զարգացման ուղղությամբ: «Թիավարության մարզադպրոցը սպորտային տուրիզմը զարգացնելու մեծ հնարավորություններ ունի: Մենք այստեղի հետ կապված մի քանի ծրագրեր ունենք երևանցիների և Երևանի հյուրերի համար՝ սպորտով և առողջ ապրելակերպով զբաղվելու առումներով»,- ասել է Հ. Ռոստոմյանը:
Նախարարը խոսել է նաև սպորտային զբոսաշրջության զարգացման ուղղությամբ իրականացված այլ ծրագրերի մասին. «Ծաղկաձորը ձմեռային մարզաձևերի սիրահարների տուրիստական կենտրոն է: Այս տարի բավական մեծ ներդրումներ են արվել գլխավոր լեռնադահուկային համալիրը վերազինելու՝ ժամանակակից հարթուղիներ, վազքուղիներ, գիշերային վազքուղի ունենալու համար: Ջրային մարզաձևերը սպորտային տուրիզմի ծրագրերին ծառայեցնելու նպատակով օգտագործելու ենք Սևանա լճի հնարավորությունները, այլ ուղղությունների համար՝ Դիլիջանը, Իջևանը, Տավուշը»,– ասել է Հրաչյա Ռոստոմյանը:
