30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Անընդունելի եմ համարում Նիկոլ Փաշինյանի պատասխանը, թե ինքը պատրաստ է որդուն ուղարկել Բաքու․ Արման Բաբաջանյան. ՏԵՍԱՆՅՈՒԹ
Քաղաքականություն
09.06.2021 | 18:27
Վաղ միջնադարյան որակի դիսկուրս է․ վարչապետի առաջարկն անընդունելի է: Այս մասին Գյումրիում քաղաքացիների հետ հանդիպմանը նշեց «Շիրինյան-Բաբաջանյան» ժողովրդավարների դաշինքի անդամ Արման Բաբաջանյանը՝ անդրադառնալով վարչապետի պաշտոնակատար Նիկոլ Փաշինյանի հայտարարութանը , թե ինքը պատրաստ է որդուն ուղարկել Բաքու՝ գերիների հետ փոխանակելու համար:
«Բանը հասել է նրան, որ նախկինում ՀՀ նախագահի պաշտոնը զբաղեցրած անձը, ով հանրության մոտ հայտնի է իր թուլություններով՝ թմրամիջոցների նկատմամբ ունեցած սիրով, առաջարկ է անում վարչապետին, որ իր որդուն փոխանակի 20-25 գերիների հետ: Ես չափազանց անընդունելի եմ համարում այս առաջարկը և վարչապետի պատասխանը, թե պատրաստ է իր որդուն ուղարկել Բաքու՝ գերիների դիմաց: Սա վաղ միջնադարյան որակի դիսկուրս է: Եվ այն խոսակցությունները, որ լսում ենք այս ընտրությունների շրջանակում, անպատվաբեր են մեր երկրի համար:
Այս ընտրությունները Հայաստանի լինել-չլինելու մասին են. այս ընտրությունները կորոշեն՝ Հայաստանը կլինի անկախ, թե կդառնա մի երկրի ծայրամասային գուբեռնիա»,- ասաց Բաբաջանյանը:
Մանրամասները՝ տեսանյութում:
