30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Առանց Թուրքիայի ու Իրանի՝ Անդրկովկասում հաղորդակցության ուղիների ապաշրջափակումն անիրատեսական է․ Լավրով
Քաղաքականություն
09.06.2021 | 17:42
ՌԴ ԱԳ նախարար Սերգեյ Լավրովն այսօր «Պրիմակովյան ընթերցումներ» միջազգային ֆորումի ժամանակ ունեցած ելույթում անդրադարձել է Անդրկովկասում տրանսպորտային և տնտեսական հաղորդակցությունների ապաշրջափակման խնդիրներին, գրում է EurAsia Daily-ն:
Լավրովը հիշեցրել է, որ Ռուսաստանի, Ադրբեջանի ու Հայաստանի միջև 2020 թվականի նոյեմբերի 9-ի եռակողմ հայտարարության կետերից մեկը վերաբերել է հաղորդակցությունների ապաշրջափակմանը։ Նա հավելել է, որ հաղորդակցությունների բացման հարցը մշտապես եղել է ԵԱՀԿ Մինսկի խմբի օրակարգում, որը այս ողջ տարիներին զբաղվել է ղարաբաղյան հակամարտության խնդրով։
«Անիրատեսական կլինի հույս ունենալ, որ 3 երկիր պայմանավորվեն, իսկ թե ինչ է մտածում Թուրքիան, ինչ է մտածում Իրանը, իբրև թե, միևնույնն է»,- ասել է նա։
ՌԴ ԱԳՆ ղեկավարի կարծիքով՝ նման հարցերը հնարավոր չէ լուծել՝ առանց հաշվի առնելու տարածաշրջանին հարևան երկրների շահերը։
Լավրովը նաև Հարավային Կովկասը ծայրաստիճան կարևոր տարածաշրջան է անվանել, որտեղով անցնում են ռազմավարական ուղիները հյուսիսից-հարավ, արևելքից-արևմուտք, և չպետք է մտածել այն մասին, թե ում ներգրավել, իսկ ում՝ ոչ, անհրաժեշտ է մտածել՝ ինչպես կառուցել նման հարաբերությունները։
Տաթև Ֆռանգյան
