26.01.2026 | 19:52
«Հայաստանի ճանապարհներով»․ Փարիզի Սուրբ Մերի եկեղեցում հայկական երաժշտությանը նվիրված համերգ է կայացել
Բաքվում ընթանում է հայ գերիներ Լյուդվիգ Մկրտչյանի ու Ալյոշա Խոսրովյանի դատական նիստը
Քաղաքականություն
09.06.2021 | 11:56
Բաքվի Յասամալի շրջանի դատարանում այսօր շարունակվում է հայ ռազմագերիներ Լյուդվիգ Մկրտչյանի ու Ալյոշա Խոսրովյանի նկատմամբ հարուցված շինծու քրեական գործերով դատական նիստը։
Բաքուն հայ գերիներին մեղադրում է, իբր, Արցախյան առաջին պատերազմում ադրբեջանցի գերիների խոշտանգելու և այլ հանցագործություններ կատարելու մեջ։ Դատական նիստն ընթանում է Բաքվի ռազմական դատավոր Էլբեյ Ալլահվերդիևի նախագահությամբ։
Սպասվում է, որ դատախազը մեղադրական ճառով հանդես կգա, իսկ հայ գերիները ցուցմունք կտան։ Նշենք, որ հայ գերիներ Լյուդվիգ Մկրտչյանի ու Ալյոշա Խոսրովյանի գործով առաջին դատական նիստը տեղի էր ունեցել հունիսի 2-ին։
Հիշեցնենք՝ պաշտոնական Բաքուն Ադրբեջանում պահվող հայ որոշ ռազմագերիների նկատմամբ հարուցել է շինծու քրեական գործեր, ապօրինաբար պահում է ու հրաժարվում վերադարձնել Հայաստան։
Էմմա Չոբանյան
