25.03.2026 | 23:01
Ադրբեջանում կտրուկ բարձրացվել են պաշտոնյաների աշխատավարձերը՝ դժգոհություններ առաջացրելով. OC Media-ի անդրադարձը
Առանց ավտոմեքենայի «երիտասարդ թոշակառուն». ի՞նչ է հայտարարագրել Արթուր Վանեցյանը
Քաղաքականություն
08.06.2021 | 14:30
Factor.am-ը սկսում է արտահերթ խորհրդարանական ընտրություններին մասնակցող կուսակցությունների և կուսակցությունների դաշինքների ընտրական ցուցակի առաջին երեք տեղերը զբաղեցնող անձանց գույքի և եկամուտների մասին հայտարարագրերը ներկայացնող շարք։
Արտահերթ խորհրդարանական ընտրություններին մասնակցող «Պատիվ ունեմ» դաշինքի ցուցակը գլխավորող, «Հայրենիք» կուսակցության նախագահ Արթուր Վանեցյանի՝ ԿԸՀ ներկայացված հայտարարագրում որպես գույք նշված է 106 քմ մակերեսով բնակարան։ Այն գտնվում է Երևանում՝ Բաղրամյան փողոցում։
Պարզվում է, որ Արթուր Վանեցյանը սեփական ավտոմեքենա չունի։ Համենայն դեպս, ըստ ներկայացված հայտարարագրի, նրա անվամբ ավտոմեքենա գրանցված չէ։
Ինչ վերաբերում է եկամուտներին, ապա Վանեցյանը մեկ տարվա կտրվածքով՝ 2020-ի մայիսից մինչև ընթացիկ տարվա նույն ժամանակահատվածը, հայտարարագրել է 2 մլն 113 հզր դրամ։ Այս գումարը ներկայացված է որպես թոշակ, վճարողը ՀՀ ԱԱԾ-ն է։
Արթուր Վանեցյանը ներկայացրել է նաև, թե որքան գումար ունի այս պահի դրությամբ։ Ըստ փաստաթղթի՝ 2021 թվականի հունիսի 4-ի տվյալներով, Արթուր Վանեցյանի ֆինանսական միջոցները կազմում են 10 մլն դրամ և 25 հազար դոլար։
