Քաղաքականություն
23.02.2018 | 16:40
Իշխող կոալիցիան՝ ՀՀԿ-ն ու ՀՅԴ-ն, Արմեն Սարգսյանին պաշտոնապես առաջադրեց որպես ՀՀ 4-րդ նախագահի թեկնածու: Այսօր լրագրողների հետ զրույցում նման հայտարարություն արեց ԱԺ ՀՀԿ խմբակցության ղեկավար Վահրամ Բաղդասարյանը:
« Այսօր միասնական՝ ՀՅԴ-ի հետ միասին, ստորագրահավաք կազմակերպեցինք և որոշեցինք Արմեն Սարգսյանին առաջադրել հանրապետության 4-րդ նախագահի թեկնածու»,- ասաց Բաղդասարյանը:
Հարց հնչեց, թե Արմեն Սարգսյանի թեկնածության շուրջ ՀՀԿ-ում կոնսոլիդացիա եղե՞լ է, թե՞ ՀՀԿ-ում Սերժ Սարգսյանի որոշումը միաձայն է ընդունվում, Վահրամ Բաղդասարյանը պատասխանեց. «Բոլորիդ տեղյակ պահեմ, որ Սերժ Սարգսյանն իր կարծիքը ամենավերջում է հայտնել: Իսկ երբ ընդհանուր քննարկումների արդյունքում քաղաքական ուժը որոշում է կայացնում, ապա քաղաքական որոշումը բոլորն են հարգում»:
