30.06.2026 | 07:57
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
Այս ընտրությունները լինելու են ՀՀ պատմության ամենախայտառակ ընտրությունները. երկու բևեռները պատրաստ են ամեն ինչի. Լևոն Տեր-Պետրոսյան
Քաղաքականություն
07.06.2021 | 17:02
Հայաստանում պայթյունավտանգ իրավիճակ է, և այս ընտրությունները սովորական ընտրություններ չեն լինելու: Այսօր ՀԱԿ ընտրական հավաքի ժամանակ հայտարարեց ՀՀ առաջին նախագահ, ՀԱԿ նախագահ, վարչապետի թեկնածու Լևոն Տեր-Պետրոսյանը:
«Այս ընտրությունները լինելու են Հայաստանի պատմության ամենախայտառակ, ամենավտանգավոր ընտրությունները: Կա երկու բևեռ, որոնք ցանկանում են ամեն գնով հասնել իշխանության: «Ամեն գնով» բառը ես հենց այնպես չեմ օգտագործում; Նրանք պատրաստ են ամեն ինչի: Երկու կողմն էլ տիրապետում է հսկայական ֆինանսական, վարչական, քրեական ռեսուրսների»,- ասաց նա:
Տեր-Պետրոսյանի դիտարկմամբ` եթե պատերազմում նման ցավալի պարտությունից հետո բոլոր նորմալ ազգերը սթափվում են, ապա հայաստանյան քաղաքական երկու հակադիր բևեռները երկիրը նետում են ավելի խոր փոսի մեջ:
«Որևէ մեկի ազնիվ խոսքին չհավատաք՝ ո՛չ Նիկոլ Փաշինյանի, ո՛չ Ռոբերտ Քոչարյանի: Մենք արդեն տեսել ենք` նրանց ազնիվ խոսքը ինչ է արժեցել մեր ժողովրդի համար»,- ասաց նա:
ՀՀ առաջին նախագահի կանխատեսմամբ` ընտրություններում երկու կողմից էլ հազարավոր խախտումներ են լինելու, հազարավոր միջադեպեր, որոնք կարող են նաև անկառավարելի դառնալ:
Մանրամասները՝ տեսանյութում:
