24.04.2026 | 13:55
Ադրբեջանի ԱԳՆ-ն «դատապարտել» է Երևանում Թուրքիայի դրոշի այրումը
«Մի բան կա՞ անհասկանալի», «կա՛»․ վիճաբանություն՝ ԲՀԿ-ական և իմքայլական պատգամավորների միջև. ՏԵՍԱՆՅՈՒԹ
Քաղաքականություն
04.06.2021 | 12:21
«Մենք ասել ենք, ասում ենք ու կրկրկնում ենք, որ այն օրակարգերը, որոնք դուք բերում եք պատերազմից հետո, հիմնականում չեն համապատասխանում այն իրավիճակին, որը տիրում է Հայասստանում, ինչի՞ց գայինք խոսեինք, արտադրական կանեփը, հա՞, քննարկեինք ձեզ հետ»,- ԱԺ-ում այս մասին ԲՀԿ խմբակցության պատգամավոր Արման Աբովյանը՝ դիմելով «Իմ քայլը» խմբակցության պատգամավոր Վլադիմիր Վարդանյանին:
Վարդանյանը ԱԺ ամբիոնից լրատվամիջոցներին կոչ էր արել ոչ միայն ԱԺ ամբիոնը լուսաբանել, այլ նաև հանձնաժողովի նիստերը, որպեսզի ժողովուդը տեսնի, թե ով է աշխատում և ով՝ ժամանց անցկացնում:
«Չհամարձակվեք սրանից հետո մեզ ցուցում տալ, թե մենք երբ գանք, ինչ քվեարկենք, որտեղ մասնակցենք և մեծ հարց է, թե ով և ինչ ժամանց է անցկացնում»,- ասաց Աբովյանը:
«Բարգավաճ Հայաստան» խմբակցության պատգամավոր Միքայել Մելքումյանն անդրադարձավ 2020 թ. բյուջեի կատարողականի քննարկման ժամանակ ԱԳՆ բարձրաստիճան պաշտոնյաների բացակայության փաստին:
«Պարզ, ակնհայտ բան ենք ասում, ի՞նչն է զարմանալի, թե՞ ուզում եք ընդամենը հակադարձել: ԱԺ-ն պետք է ինքն իրեն հարգի, հենց հիմա դիմի այդ գերատեսչությանը և հարցնի՝ դուք կա՞ք այս երկրում, թե՞ չկաք: Պարզ բան է: Մի բան կա՞ անհասկանալի»,- ասաց Մելքումյանը՝ դիմելով Վարդանյանին:
«Կա»- արձագանքեց Վարդանյանը:
Մանրամասները՝ տեսանյութում:
