15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ելեք և ձեր վերաբերմունքն արտահայտեք առողջապահության նախարարի նկատմամբ․ Հովսեփյանը՝ «Իմ քայլին». ՏԵՍԱՆՅՈՒԹ
Քաղաքականություն
03.06.2021 | 11:34
«Ուզում եմ հասկանալ՝ Ազգային ժողովի պատգամավորներն ապրո՞ւմ են Հայաստանում, թե՞ մեկ այլ երկրում, իրականությունից բացարձակապես կտրված»,- ԱԺ արտահերթ նիստում նշեց պատգամավոր Սոֆյա Հովսեփյանը:
Նա նշեց, որ իշխող խմբակցության որևէ պատգամավորի կողմից որևէ դատապարտող խոսք կամ որևէ վերաբերմունք չի դրսևորվել այն խնդրի վերաբերյալ, թե մեր զինվորների դիակներն ու մասունքներն ինչ վիճակում են, ընդ որում՝ բոլորը շատ լավ տեղյակ են եղել:
«Պետությանն ու ժողովրդին ահռելի ապտակ է հասցվել, և որևէ մեկդ որևէ վերաբերմունք չեք ցուցաբերում: Ուզում եմ հասկանալ՝ ձեզ համար նորմա՞լ էր այս պահին առողջապահության նախարարի պաշտոնակատարի օրեր շարունակ հնչեցրած խոսքերը, հերքումները, բացատրությունները, նորմա՞լ է այն ամենը, ինչը տեղի է ունենում:
Նորմա՞լ է հերթական անգամ երեկ առավոտյան մեր զինվորների նկատմամբ ադրբեջանցիները (տիկին Մակունց, այն օրը նեղվեցիք արտահայտությունիցս, կրկնեմ նորից) ստորացուցիչ վերաբերմունք են ցուցաբերել»,- նշեց Ս. Հովսեփյանը: – Բերեք հասկանանք՝ այս երկրո՞ւմ ենք ապրում, թե՞ ոչ, հասկանանք՝ այս երկրում մենք տե՞ր ենք, թե՞ ուղղակի եկել, պաշտոններ ենք զբաղեցնում»:
Նա խնդրեց, որ այսօրվա արտահերթ նիստի ընթացքում իշխող խմբակցության անդամներն իրենց վերաբերմունքն արտահայտեն իրենց առողջապահության նախարարի նկատմամբ. «Ելեք և ձեր վերաբերմունքն արտահայտեք առողջապահության նախարարի նկատմամբ»:
Մանրամասները՝ տեսանյութում:
