02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Փաշինյանն ինչ հանձնարարում էր, Արա Այվազյանն ասում էր՝ ճիշտ այդպես, եթե խնդիր կար՝ նիստում պիտի ասեր. ՏԵՍԱՆՅՈՒԹ
Քաղաքականություն
02.06.2021 | 14:39
«Շատ զարմացած եմ»,- ԱԺ-ում լրագրողների հետ զրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Արա Այվազյանի՝ ԱԳ նախարարի պաշտոնից հրաժարական ներկայացնելուն և տարածած հայտարարությանը, թե ինքը չի կարող ինչ-որ քայլ անել կամ համաձայնություն տալ նախաձեռնությունների, որոնք պետականության, ազգային շահի դեմ են:
«Ընդդիմադիր ֆրակցիայի 2 ներկայացուցիչ է եղել Անվտանգության նիստում, եթե ինչ-որ հակապետական բան էր արվում, նա այդ փակ նիստում պետք է ասեր, մենք էլ իմանայինք։ Ինչ հանձնարարություն տալիս էր վարչապետի ժամանակավոր պաշտոնակատարը, ինքը գլխով էր անում, ասում էր՝ ճի՛շտ այդպես, պարոն վարչապետ։ Այդ մարդը լավ առիթ է ունեցել՝ բարձրաձայնելու, թե ինչ է եղել, բայց ոչինչ չի ասել»։
Անդրադառնալով դիտարկմանը, թե փոխարտգործնախարարները հայտարարել են, որ տեղյակ չեն դելիմիտացիայի և դեմարկացիայի վերաբերյալ փաստաթղթից, արդյո՞ք հնարավոր է՝ Նիկոլ Փաշինյանը շրջանցում է արտգործնախարարությանը, ինչին էլ հաջորդում են պաշտոնանկությունները, Մարուքյանը նշեց, որ ամեն ինչ հնարավոր է, բայց դրա մասին պետք է հստակ խոսել, ոչ թե ընդհանրական բնույթի հայտարարություններ անել։
«Մարդը շանս ուներ խորհրդարանում հարցուպատասխանի ժամանակ ասել, կարող է լրագրողների հրավիրել ասուլիսի ու ասել։ Եթե ԱԽ փակ նիստին չի ասում՝ ինչ նկատի ունի, էլ ուրիշ ի՞նչ ֆորմատով պետք է ասի»,- նշեց Մարուքյանը՝ հավելելով, որ չի կարող ասել, թե ինչ է նկատի ունեցել Այվազյանը՝ այդպիսի հայտարարությունն անելով:
Մանրամասները՝ տեսանյութում:
