20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ռազմադյունաբերական համալիրի համար գումար հատկացված չի եղել, տարվա վերջում տրվել է 3,4 մլրդ դրամ․ Հայկ Չոբանյան. ՏԵՍԱՆՅՈՒԹ
Տնտեսություն
02.06.2021 | 12:14
ՀՀ ռազմական արդյունաբերության զարգացման համար 2020թ-ի պետական բյուջեով գումար հատկացված չի եղել։ Իսկ արդեն տարվա վերջում այդ նպատակով ՀՀ բարձր տեխնոլոգիական արդյունաբերության նախարարությունը 3.4 մլրդ դրամ գումար է հատկացրել։ Այս մասին այսօր ԱԺ-ում բյուջետային քննարկումների ժամանակ հայտնեց ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը` հավելելով, որ դա կհանգեցնի նաև ռազմական արդյունաբերության զարգացմանը։
Նախարարի պաշտոնակատարի խոսքով՝ 2020-ին առաջին անգամ բարձր տեխնոլոգիական արդյունաբերության նախարարությունն առաջին անգամ իրականացրել է ռազմարդյունաբերական համալիրի զարգացման պատվեր, ոլորտի կազմակերպություններին պատվիրվել են կոնկրետ սպառազինություն և զինտեխնիկա: Դա պայմանավորված է եղել պատերազմական իրավիճակում խիստ պահանջարկի հետ:
Չոբանյանը նշեց, որ նախարարությունը ռազմարդյունաբերության ոլորտը դիտարկում է բարձր տեխնոլոգիական ոլորտին զուգահեռ, այդ երկու ոլորտները, ըստ նրա, առանձնացված չեն, դրանք միահյուսված են:
«Մեր նպատակն է ռազմարդյունաբերական կարողությունները բարձրացնել, դա ներառումէ երեք բաղադրիչ՝ գիտելիք, տեխնոլոգիաներ և պատվերներ… Այսօր ռազմական արդյունաբերության ոլորտից պետք է քիչ խոսել, պետք է խոսել բարձր տեխնոլոգիաների արդյունաբերության ոլորտից ու առավելագույնն անել այդ ոլորտի զարգացման համար։ Այսօր մեր կարողություններն իրականում ավելի մեծ են, քան մենք դեր ենք խաղում մեր պետության ու զինված ուժերի համար։ Փոքր լինելով հանդերձ, մեր կարողություններն ավելի մեծ են, քան ԶՈւ ռազմարդյունաբերության համալիրի փաստացի դերակատարումը ռազմական արդյունաբերության մեջ»,- նշեց Չոբանյանը։
Մանրամասները՝ տեսանյութում:
