15.11.2024 | 17:08
ԱՄՆ-ն ամեն շաբաթ զենք կուղարկի Ուկրաինա
Քննարկվել է «Ինովացիոն զարգացման ռազմավարություն» փաստաթղթի գործընթացում Համաշխարհային բանկի հնարավոր դերակատարումը
Տնտեսություն
22.02.2018 | 18:26
ՀՀ տնտեսական զարգացման և ներդրումների նախարար Սուրեն Կարայանը հանդիպել է Համաշխարհային բանկի խմբի Եվրոպայի և Կենտրոնական Ասիայի տարածաշրջանի ֆինանսների, նորարարության և մրցունակության գլոբալ գործելակերպի ղեկավար Մարիալիզա Մոտտայի գլխավորած պատվիրակության հետ։
Հանդիպման ընթացքում քննարկվել են ՀԲ «Առևտրի խթանում և որակի ենթակառուցվածքներ» ծրագրի բաղադրիչների ներքո իրականացվող առանձին միջոցառումների առաջնընթացին և հետագա քայլերին առնչվող հարցեր։
Մարիալիզա Մոտտան գոհունակություն է հայտնել ծրագրի իրականացման ընթացիկ արդյունքների վերաբերյալ և շեշտադրել հետագա ակտիվ համագործակցության կարևորությունը։
Սուրեն Կարայանն ընդգծել է, որ ծրագիրն առանցքային նշանակություն ունի Հայաստանի տնտեսության համար, քանի որ այն թիրախավորում է առևտրի և որակի ենթակառուցվածքների բարելավումը, ինչը Հայաստանի կառավարության արտահանելի տնտեսության ձևավորման օրակարգում կարևոր տեղ է զբաղեցնում։
Կողմերը մտքեր են փոխանակել նաև «Թվային տնտեսություն. Հայաստան» ծրագրի շուրջ։ Քննարկվել է նաև «Ինովացիոն զարգացման ռազմավարություն» փաստաթղթի մշակման գործընթացում Համաշխարհային բանկի հնարավոր դերակատարումը։
