18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
ԱԱԾ փոխտնօրենը՝ Ադրբեջանի հետ բանակցելու մասին․ Փաշինյանի և Մակրոնի հանդիպումը Փարիզում․ Լուրեր
Քաղաքականություն
01.06.2021 | 18:16
Սահմանին ուժային գործարք չի լինելու, միայն բանակցություններ։ Այս մասին խորհրդարանում լրագրողներին ասել է ԱԱԾ պետի տեղակալ Արամ Հակոբյանը։ Նա նշել է, որ բանակցությունները միտված են գերիների վերադարձմանը։
—
Վարչապետի պաշտոնակատար Նիկոլ Փաշինյանը այսօր Փարիզում հանդիպում է ունեցել Ֆրանսիայի նախագահ Էմանուել Մակրոնի հետ։ Մինչ հանդիպումը Փաշինյանը և Մակրոնը հայտարարություններ են արել, Հայաստանի վարչապետի պաշտոնակատարն ասել է, որ սպասվում է Ֆրանսիայի նախագահի այցը Հայաստան։ Նա Մակրոնին և Ֆրանսիային շնորհակալություն է հայտնել պատերազմի ընթացքում Հայաստանի կողքին լինելու համար։
—
Ազգային ժողովի պատգամավորի թեկնածու առաջադրվել ցանկացող 5 քաղաքացի դիմել է ՀՀ Կրթության, գիտության, մշակույթի և սպորտի նախարարություն՝ հայերենի թեստ հանձնելու համար։ Այս մասին Factor.am-ին հայտնել է նախարարի խոսնակ Գեղամ Մելիքբեկյանը։ Նրանցից մեկը հիվանդության պատճառով չի ներկայացել ատեստավորմանը։ Մյուս 4-ից 3-ը չեն հաղթահարել հայերենի քննությունը։
