18.05.2026 | 16:29
Բելառուսում ՌԴ-ի հետ համատեղ միջուկային զորավարժություններ են մեկնարկել
ԱԳ փոխնախարար Գագիկ Ղալաչյանը պաշտոնից ազատման դիմում է գրել
Քաղաքականություն
31.05.2021 | 16:31
Քիչ առաջ Factor.am-ը տեղեկացավ, որ ԱԳ փոխնախարարներից մեկը հրաժարական է ներկայացրել։ Տեղեկությունը մեզ հետ զրույցում հաստատեցին արտաքին քաղաքական գերատեսչությունից․ «Մայիսի 27-ին ԱԳ նախարարի տեղակալի պաշտոնից ազատման դիմում է ներկայացրել Գագիկ Ղալաչյանը»։
Հիշեցնենք, որ մայիսի 27-ին հրաժարական էր ներկայացրել ԱԳ նախարարի պաշտոնակատար Արա Այվազյանը։ Նա այսօր՝ մայիսի 31-ին, հրաժեշտի հանդիպում է ունեցել նախարարության անձնակազմի հետ։
«Ես շատ դժվարությամբ եմ այս որոշումն ընդունել, բայց երբ ստանձնել եմ այս պաշտոնը, ինձ համար եղել է մի չափանիշ. այս նախարարությունը, որ ծնունդն է անկախության, պետք է անշեղորեն պաշտպանի մեր ինքնիշխանությունը, մեր անկախությունը, մեր պետական, ազգային շահերը։ Հուսով եմ, որ ձեզ ամոթով չեմ թողել, և իմ հրաժարականի որոշումը պայմանավորված էր հենց այդ պատճառով, որպեսզի երբևէ որևէ կասկած չլինի, որ այս նախարարությունը կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք մեր պետականության, մեր ազգային և պետական շահի դեմ են եղել»,- իր ելույթում ասել է Արա Այվազյանը։
Մերի Մարտիրոսյան
