24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Նիկոլ Փաշինյանը չի ասել` «հպարտ եմ, որ պարտվել ենք». «Իմ քայլի» պատգամավորներ. ՏԵՍԱՆՅՈՒԹ
Քաղաքականություն
31.05.2021 | 12:11
«Իմ քայլը» խմբակցության ղեկավար Լիլիթ Մակունցն ԱԺ ճեպազրույցների ժամին անդրադարձավ վարչապետի պաշտոնակատար Նիկոլ Փաշինյանի՝ երեկ Սպիտակում հնչեցրած հայտարարությանը, թե «հպարտ եմ, որ պարտվել ենք, և այդ պարտության պատասխանատվությունը մերն է»:
«Կարծում եմ՝ մեր քաղաքացիներն էլ են դիտել այդ տեսանյութը և հստակ տեսել են, որ երկու հատվածները և երկու նախադասությունը վերաբերում են տարբեր կոնտեքստերի: Ամեն ինչ տեսանյութում կա:
Հպարտությունը վերաբերել է նրան, որ մենք հպարտանում ենք մեր զինվորներով, ովքեր ի հեճուկս ամենադաժան պատերազմի, թեկուզ վիրավոր՝ կարողացել են պահել Արցախը և ՀՀ սահմանները»,- նշեց Մակունցը:
Նա նաև ընդգծեց, որ վարչապետի պաշտոնակատարի հնչեցրած նախադասությունները համատեքստից դուրս ներկայացնելը քաղաքական որոշ շրջանակների կողմից արվող մանիպուլյացիա է, ինչը, ըատ նրա, բնորոշ է վերջին երեք տարիների նրանց գործելաոճին:
Մանրամասները՝ տեսանյութում:
