18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ՌԴ սահմանապահների այցը Կութի դիրքեր․ Ալիևը՝ «Զանգեզուրի միջանցքի» շուրջ ՀՀ դիրքորոշման մասին․ Լուրեր
Քաղաքականություն
31.05.2021 | 12:04
Ռուս խաղաղապահներն իրենց դրոշներով մայիսի 29-ին, բարձրացել էին Գեղարքունիքի Կութ գյուղի դիրքեր։ Կութի վարչական ղեկավար Սիմա Չիտչյանը Factor.am-ին հայտնել է, որ խաղաղապահները դիրքեր էին բարձրացել երեք-չորս ռուսական մեքենաներով, մոտ մեկ ժամ մնացել են ու հեռացել։ Պատճառների մասին Կութի ղեկավարը տեղյակ չէ։
—
Մարդու իրավունքների պաշտպան Արման Թաթոյանը հայտարարություն է տարածել, որ ՀՀ սահմաններին վերաբերող որոշումների հիմքում պետք է դնել գյուղացիների, առհասարակ՝ մարդու իրավունքների պաշտպանությունը՝ բացառելով մեխանիկական որևէ մոտեցում:
—
Ադրբեջանի նախագահ Իլհամ Ալիևը ասել է, թե հայկական կողմը պատշաճ կերպով վերլուծում է այս միջանցքի անխուսափելիության հետ կապված խնդիրները։ Ալիևը նշել է, որ պատերազմից հետո հայկական կողմը դեմ էր դրան։
—
Արցախի նախագահ Արայիկ Հարությունյանն այցելել է Մարտունի։ Ծանոթացել կառուցվող նոր բնակելի թաղամասի շինաշխատանքների ընթացքին, հետևել պատերազմի ընթացքում թշնամու հրետակոծությունների հետևանքով տուժած շենք-շինությունների վերականգնման աշխատանքներին։
