26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Թուրքական լիրան հերթական ռեկորդային նվազագույնն է գրանցել
Քաղաքականություն
28.05.2021 | 20:54
Թուրքական լիրան ուրբաթ ռեկորդային նվազագույն մակարդակի է հասել դոլարի ու եվրոյի նկատմամբ, գրում է «Ահվալ» գործակալությունը։
Լիրան ընկել է 1․1 տոկոսով՝ հասնելով 8․59-ի՝ մեկ դոլարի և 10.46-ի՝ եվրոյի նկատմամբ։
Լիրայի փոխարժեքը 16 տոկոսով անկում ապրեց մարտի կեսից, երբ Թուրքիայի նախագահ Ռեջեփ Թայիփ Էրդողանը պաշտոնանկ արեց Կենտրոնական բանկի նախագահին՝ տոկոսադրույքների բարձրացման հաջորդ օրը։
Երկրում ինֆլյացիան ապրիլին արագացավ՝ հասնելով 17․1 տոկոսի։ Հինգշաբթի էլ Համաշխարհային բանկը Թուրքիային հորդորեց ճիշտ դրամավարկային քաղաքականություն վարել, որը միակ ճանապարհն է տնտեսական աճի ապահովման համար։
Լրատվամիջոցը գրում է, որ տնտեսագետների կանխատեսմամբ՝ Կենտրոնական բանկի նախագահ Շահափ Քավջըօղլուն տոկոսադրույքները նվազեցնելու է, նույնիսկ եթե ինֆլյացիան երկնիշ մնա։
Էրդողանն էլ, որը Կենտրոնական բանկի 3 նախագահի է փոխել, նշում է, որ բարձր տոկոսադրույքները ինֆլյացիայով են պայմանավորված։
Էմմա Չոբանյան
