17.09.2026 | 11:16
Կիևում ռուսական հարձակման հետևանքով տուժել է 16 մարդ, Օդեսայում ՝ բնակելի շենք վնասվել
Էս պատերազմի արդյունքներն իրենց բանակցածն են՝ միլիմետրի ճշգրտությամբ․ Փաշինյան. ՏԵՍԱՆՅՈՒԹ
Քաղաքականություն
28.05.2021 | 14:24
Յոթ ամիս է մեզ ասում են դավաճան, հողատու, կապիտուլյանտ, ուրիշ ոչ մի բանի մասին չեն խոսել: Հենց ընտրություններ նշանակվեցին, գնում, խոստանում են սերմացու, սալյարկա, բրինձ տալ: Այս մասին «Քաղաքացիական պայմանագիր» կուսակցության համակիրների հետ հանդիպման ժամանակ հայտարարեց վարչապետի պաշտոնակատար Նիկոլ Փաշինյանը՝ անդրադառնալով նախկին իշխանությունների ներկայացուցիչների հայտարարություններին:
«Բա ասեք՝ 99 թվականին էդ ի՞նչ Մեղրի էիք փոխանակում: Յոթ ամիս է՝ ասում են վա՜յ, Մեղրին տալիս է, Սյունիքը տալիս է, միջանցքը տալիս է: Դո՛ւք եք էդ փաստաթղթերը ձևակերպել, տվողը դո՛ւք եք: Մենք երբեք Մեղրի, միջանց. այդպիսի հարցեր չենք քննարկել որևէ մեկի հետ:
Այդպիսի թեմա, այո՛, եղել է նաև նոյեմբերի 9-ի հայտարարության նախագծերից մեկում, թեմա է եղել յոթ գյուղերի վերադարձի վերաբերյալ, ես հստակ ասել եմ (և դա կարող եմ ապացուցել՝ որտեղ անհրաժեշտ է), որ բացառված է, չեմ ստորագրի այդպիսի թուղթ, և դա հանվել է:
Եթե նոյեմբերի 9-ի փաստաթուղթը չստորագրեի, ակնհայտ է, որ ամբողջ Արցախը կվերցնեին և մեր 30 հազարանոց բանակը կհայտնվեր շրջափակման մեջ:
Այս, ինչ-որ տեղի է ունեցել դե ֆակտո, դե յուրե իրենց 30 տարվա բանակցածն է, ի վերջո սա պետք է հասկանա՞նք, թե՞ չէ: Այսօրվա դե յուրե իրողություններն իրենց բանակցածն է՝ միլիմետրի ճշգրտությամբ»,-նշեց Փաշինյանը:
Մանրամասները՝ տեսանյութում:
