18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Մենք պահպանել ենք մարդկանց աչքերի մեջ ուղիղ նայելու իրավունքը․ Փաշինյան. ՏԵՍԱՆՅՈՒԹ
Քաղաքականություն
28.05.2021 | 13:53
Այս պատմության մեջ մենք ոչ թե մեղադրյալ ենք, այլ՝ մեղադրող: ՀՀ վարչապետի պաշտոնակատար, «Քաղաքացիական պայմանագիր» կուսակցության նախընտրական ցուցակը գլխավորող Նիկոլ Փաշինյանն այս մասին ասաց Երևանի Դավթաշեն վարչական շրջանի ՔՊ համակիրների հետ հանդիպմանը՝ հակադարձելով նախկին իշխանությունների քննադատություններին:
«Ինչ արել ենք երեք տարում բանակի համար, տնտեսության համար, ընդհանրապես քաղաքացու, մարդու համար, եթե դուք նախորդ 30 տարվա ընթացքում էդ տեմպի մեկ երրորդը պահած լինեիք, մենք այսօր այս իրավիճակում չէինք լինի: Գողն առաջինն է գոռում դավաճան»,- հայտարարեց Փաշինյանը:
Վարչապետի պաշտոնակատարի խոսքով՝ իրենց հայացքի մեջ կա կորուստ, տառապանք, պարտություն, բայց չկա մի բան, որ կզրկի մարդկանց աչքերի մեջ ուղիղ նայելու իրավունքից: «Մենք մեղավոր չենք: Մենք շատ բան ենք կորցրել, բայց չենք կորցրել մարդկանց աչքերի մեջ նայելու իրավունքը»,- ընդգծեց Փաշինյանը:
«Ովքե՞ր են դավաճան գոռացողները: Երկիրը թալանածնե՞րը: Ասում են՝ ձեր օրոք պարտություն է եղել: Բա ձեր օրոք Հոկտեմբերի 27 է եղել: Ռոբերտ Քոչարյան ու Սերժ Սարգսյան, եկե՛ք, պատասխան տվեք Հոկտեմբերի 27-ի համար, որ ձեր ղեկավարած ԱԱԾ-ն տեղյակ է եղել, որ Նաիրի Հունանյանը մտնելու է և զենքով գնդակահարելու է ժողովրդի առաջնորդներին»,- ասաց վարչապետի պաշտոնակատարը:
Մանրամասները՝ տեսանյութում:
