16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ն հավատարիմ է ԼՂ հակամարտության երկարատև քաղաքական կարգավորման շուրջ բանակցելու՝ կողմերին օգնելու հանձնառությանը․ Բլինքեն
Քաղաքականություն
28.05.2021 | 13:17
ԱՄՆ պետքարտուղար Էնթոնի Բլինքենը ԱՄՆ կառավարության անունից շնորհավորել է Ադրբեջանին Ազգային տոնի՝ Հանրապետության օրվա առթիվ։ Այս մասին տեղականում ենք ԱՄՆ Պետքարտուղարության պաշտոնական կայքից։
«ԱՄՆ-ը բարձր է գնահատում Ադրբեջանի հետ 30 տարվա գործընկերությունը տնտեսության, էներգետիկայի, անվտանգության ոլորտներում, ինչպես նաև մեր մշտական երկխոսությունն Ադրբեջանի կողմից մարդու իրավունքների և օրենքի գերակայության հարգմանը։ Ուժեղ ինստիտուտներն ու գործընթացները, որոնք հարգում են մարդու իրավունքներն ու հիմնարար ազատությունները, օրենքի գերակայությունը, թափանցիկությունն ու հաշվետվողականությունը կենսական նշանակություն ունեն մեր ընդհանուր նպատակներին հասնելու, ավելի ամուր ու խորը կապեր կառուցելու համար»,- ասվում է Բլինքենի հայտարարության մեջ։
ԱՄՆ պետքարտուղարն անդրադարձ է կատարում նաև Լեռնային Ղարաբաղի հակամարտության երկարատև քաղաքական կարգավորման անհրաժեշտությանը։
«Որպես Մինսկի խմբի համանախագահ՝ Միացյալ Նահանգները հավատարիմ է ԼՂ հակամարտության երկարատև քաղաքական կարգավորման շուրջ բանակցելու՝ կողմերին օգնելու հանձնառությանը, և լուծելու ռազմական գործողությունների մարդասիրական հետևանքների՝ ներառյալ բոլոր կալանավորվածների, անհետ կորածների և աճյունների ամբողջական ու արագ փոխանակումը»,- ասվում է հայտարարության մեջ։
Էմմա Չոբանյան
