07.02.2026 | 15:28
Հրաձիգ Հայկ Սարգսյանը՝ Եվրոպայի Մ18 առաջնության փոխչեմպիոն
Երևանից ստացած ազդակը միանգամից ընկալվեց և՛ Վաշինգտոնում, և՛ Փարիզում․ Ռուբեն Մեհրաբյան. ՏԵՍԱՆՅՈՒԹ
Քաղաքականություն
28.05.2021 | 13:04
Մայիսի 12-ից հետո Հայաստանի բոլոր դիմումների գլխավոր հասցեատերը ՀԱՊԿ-ն է և Մոսկվան: «Հայաստանը բացահայտ ագրեսիայի՞ է ենթարկվում. ի՞նչ է կատարվում ՀՀ սահմանին» թեմայով առցանց քննարկման ժամանակ այս մասին նշեց «Հանուն Հանրապետության» կուսակցության անդամ, քաղաքագետ Ռուբեն Մեհրաբյանը:
«Հայաստանն իր պահուստներից հանեց այս 30 տարվա իրավապայմանագրային ամբողջ բազան, որովհետև, եթե այդ ամենը մենք ստորագրել ենք և հիմա չպետք է դնենք շարժման մեջ, ապա հարց է առաջանում՝ էլ ե՞րբ և ինչի՞ համար ենք ստորագրել: Բայց մենք տեսանք, որ դա մեզ որևէ օգուտ չի տալիս, նույնիսկ բարոյական աջակցության բացակայության պայմաններում մեզ փորձում են կերակրել կեղծ օրակարգով և, զրոյական գումարով խաղի տրամաբանությամբ՝ մի նոր կռիվ են փորձում գցել այստեղ՝ ընդ որում, այնպես, որ էքսկլյուզիվ արբիտրի դերը Մոսկվան վերապահի իրեն:
Եվ բնական է, թե ուր էր տանելու նման դասավորությունը. այն տանելու էր հայկական շահերի հաշվին Ռուսաստան-Ադրբեջան հարաբերություններ ճշտելուն, իսկ Հայաստանը դառնալու էր ուղղակի մանրադրամ: Եվ բնական է, որ սա լինել չի կարող»,- նշեց քաղքագետը:
Ռուբեն Մեհրաբյանի դիտարկմամբ՝ ԱԽ նիստում վարչապետի երեկվա հայտարարությունը, որով նա դիմեց Ռուսաստանին, ԵԱՀԿ Մինսկի խմբի համանախագահ երկրներին և Ադրբեջանին, առաջարկ էր, որը փոխանցում էր մեր միջազգային գործընկերներին. «Այդ փոխանցումը եղավ, փաստորեն նրանք սպասում էին մեզնից փոխանցման և հաշված ժամերի ընթացքում մենք լսեցինք հայտարարություններ, որոնք համահունչ են պաշտոնական Երևանի առաջարկին: Այսինքն՝ Երևանից ստացած ազդակը միանգամից ընկալվեց և՛ Վաշինգտոնում, և՛ Փարիզում: Հիմա տեսնենք՝ ինչ զարգացում կլինի առաջիկա ժամերին կամ օրերին»:
