07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Քոչարյանականներն ու փաշինյանականները ճակատամարտի են անցել․սա քաղաքացիական պատերազմի կարող է վերածվել
Քաղաքականություն
27.05.2021 | 23:33
Մեր ծրագիրը շատ կարճ է լինելու։ Մեծ-մեծ ծրագրերի մասին այս պահին ավելորդ է խոսելը: Այս մասին Հանրայն հեռուստաընկերությանը տված հարցազրույցում հայտարարել է ՀՀ առաջին նախագահ Լևոն Տեր Պետրոսյանը, որը ընտրություններում գլխավորում է Հայ Ազգային կոնգրես կուսակցության ցուցակը:
«Այդ առումով մեր ծրագիրը շատ կարճ է լինելու: Հասկացե՛ք՝ Հայաստանում հրդեհ է: Հրդեհի ժամանակ ի՞նչ են անում։ Հանգցնում են հրդեհը։ Նոր կառավարության առաջին քայլը պիտի լինի հրդեհը հանգցնելը՝ գործի քցի պետական մեքենան։
Այսօր պետական մեքենան ջախջախված է, կառավարելիությունը 0-ի հավասարեցված: Մենք նման իրավիճակ ունեցել ենք՝ 91 թվականին՝ պետական մեքենա գոյություն չուներ, ոստիկանություն չկար, ՏԻՄ-եր չկային, բյուջե չկար, քայքայվել էր ամեն ինչ: Հիմա այդպիսի իրավիճակ է: Եթե կա էլ, ապա իրենց գործով չեն զբաղված՝ իշխանությունը օգտագործում է քաղաքական նպատակներով»,- նշեց առաջին նախագահը:
Նա նաև ընդգծեց, որ հիմա քաղաքացիական պատերազմի վտանգ կա: Նրա խոսքով՝ Լինում են վատ իշխանություններ, լինում են բռնապետական, վատ երկար տարիներ, դրանցից հեշտ է ազատվելը, ամենավտանգավորը քաղաքացիական պատերազմներն են:
«Համարյա ճակատամարտի են անցել քոչարյանականներն ու փաշինյանականները, դա ավելի է խորանալու, ես վախենում եմ, որ այս ընտրությունները կարող են վերածվել ուղղակի կռիվների, եթե չասենք՝ քաղաքացիական պատերազմի, կենաց մահու խնդիր են լուծում երկու կողմն էլ»,- ասաց Տեր-Պետրոսյանը՝ հավելելով, մինչ այժմ պայքարը քաղաքացիական պատերազմի չի վերածվել, քանի որ միշտ մի կողմը եղել է ուժեղ և ճզմել է մյուսին, իսկ հիմա երկու կողմն էլ ճզմող է, և հիմա է վտանգը»,- նշեց Տեր-Պետրոսյանը:
Մանրամասները՝ տեսանյութում:
