24.04.2026 | 18:00
Արա Աղանյանը՝ ծանրամարտի Եվրոպայի եռակի փոխչեմպիոն
Ռուսները ոչ ինձ կասեն, ոչ՝ Ռոբերտին, Փաշինյանին են ասում, բայց նա չի հասկանում ինչ են ասում իրեն․ ՏԵՍԱՆՅՈՒԹ
Քաղաքականություն
27.05.2021 | 23:09
Ալիևի ծրագիրը գիտենք՝ ինչքան շատ, այնքան լավ, Ռուսաստանի ծրագրերը չգիտեմ ես: Այս մասին այսօր Պետրոս Ղազարյանի հետ հարցազրույցի ժամանակ ասաց ՀՀ առաջին նախագահ Լևոն Տեր-Պետրոսյանը` հավելելով, որ Ռուսաստանն իր ծրագրերը ոչ մեկին էլ չի բացահայտում::
«Ռուսաստանն այսօր Հայաստանում ունի մեկ խոսակից, դա երկրի ղեկավարն է: Ես էլ ունեմ կապեր, ես էլ հանդիպում Ռուսաստանի դեսպանի հետ, Ռոբերտն ավելի շատ կապեր ունի Մոսկվայում, բայց ո՛չ ինձ կասեն, ո՛չ Ռոբերտին, այսօր Հայաստանի պատասխանատուն Փաշինյանն է, Փաշինյանին են ասում: Ես վստահ եմ՝ Փաշինյանին Ռուսաստանն ամենայն անկեղծությամբ ասում է այն, ինչ մտադիր է անել այս տարածաշրջանում և ընդհանրապես՝ Հայաստանի և Ղարաբաղի ապագայի վերաբերյալ: Փաշինյանն ուրիշ խնդիր ունի, նա անգամ չի հասկանում, թե ռուսներն իրեն ինչ են ասում: Ես այն մարդը չեմ, որ չիմացած բանի մասին կարծիք արտահայտեմ»,- ասաց Տեր-Պետրոսյանը:
Հարցին՝ եթե ռուսական կողմը դուրս գա ՀՀ տարածքից, ի՞նչ կսպասվի, ՀՀ առաջին նախագահն ասաց, որ չգիտի. «Մարգարե չեմ, բայց ամեն ինչ հնարավոր է, անգամ՝ պատերազմ…
Կրկնում եմ, որևէ մեկը թող գլուխ չգովի, թե գիտի Ռուսաստանի ծրագրերը, մի բան գիտեմ՝ նրանք հստակ ծրագրեր ունեն և ոչ կարճաժամկետ»:
Մանրամասները՝ տեսանյութում:
