24.04.2026 | 13:55
Ադրբեջանի ԱԳՆ-ն «դատապարտել» է Երևանում Թուրքիայի դրոշի այրումը
Վազգեն Սարգսյանը փորձեց չեզոքացնել Ռոբերտ Քոչարյանին․ անկեղծ մոլորվեց և հավատաց․ Լևոն Տեր-Պետրոսյան․ ՏԵՍԱՆՅՈՒԹ
Քաղաքականություն
27.05.2021 | 22:50
Եթե ես չհեռանայի, Հայաստանում քաղաքացիական պատերազմ էր սկսվելու: Հանրային հեռուստաընկերության եթերում Պետրոս Ղազարյանի հետ հարցազրույցում այս մասին ընդգծեց ՀՀ առաջին նախագահ, Հայ ազգային կոնգրեսի առաջնորդ Լևոն Տեր-Պետրոսյանը:
Բայց Վազգեն Սարգսյանը հայտարարել էր՝ եթե Տեր-Պետրոսյանը մնար, մենք կգնայինք: Արձագանքելով այս դիտարկմանը՝ Տեր-Պետրոսյանը նշեց. «Ե՞րբ հայտարարեց՝ իմ հրաժարականից հետո: Վազգենը հասկացել էր իր սխալը, դրա համար էլ այսպիսի արդարացում էր գտնում: Այո՛, նա շատ արագ հասկացավ: Բա ինչո՞ւ Դեմիրճյանի հետ դաշինք կնքեց և փորձեց Ռոբերտ Քոչարյանին չեզոքացնել»:
Դիտարկմանը, որ դա պայքար էր իշխանության համար, Տեր-Պետրոսյանը հակադարձեց՝ նշելով. «Ոչ, ոչ, ոչ: Բոլորի մասին կաող եք ասել՝ իշխանության համար պայքար, Վազգեն Սարգսյանի մասին չեք կարող ասել: Նա անկեղծ կարող էր մոլորվել, բայց իշխանության համար պայքարում նա ազգի շահերին երբեք չէր դավաճանի, այդ մեկը մոռացե՛ք, անարդար կլինի նրա մասին այդպիսի բան ասելը: Վազգենը մոլորվեց անկեղծ, հավատաց, որ վճռականությամբ (վճռականը նրա ամենասիրած բառն էր) մի բանի որ հասել ենք, էլի կհաղթենք: Բայց շատ կարճ ժամանակում նա ամեն ինչ հասկացավ, երեք-չորս ամիս հետո, ես գիտեմ՝ նա ինչ հոգեկան վիճակում էր»:
Մանրամասները՝ տեսանյութում:
