20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հայկական կողմը ժամանակ է տվել Ադրբեջանին՝ գերեվարված 6 զինվորներին վերադարձնելու համար. ԳՇ պետի տեղակալ. ՏԵՍԱՆՅՈՒԹ
Քաղաքականություն
27.05.2021 | 17:51
Այս պահին շարունակվում են բանակցությունները Ադրբեջանի ԶՈՒ կողմից գերեվարված վեց հայ զինծառայողներին վերադարձնելու հարցով։ Լրագրողների հետ զրույցում այս մասին ասաց ԶՈՒ գլխավոր շտաբի պետի տեղակալ Էդվարդ Ասրյանը։
Նրա խոսքով՝ սկզբնական ժամանակահատվածում Ադրբեջանի զինված ուժերին տվել են մեկ ժամ, որպեսզի վերադարձնեն 6 գերեվարված զինծառայողներին, մեկ ժամը անցնելուց հետո կապվել են ռուս գործընկերները և ներկայացրել, որ Բաքվում գլխավոր շտաբը անց է կացնում խորհրդակցություն և քննարկվում է գերեվարված զինծառայողների վերադարձման գործընթացը։
Ըստ Ասրյանի՝ այդ է պատճառը, որ ՀՀ ԶՈՒ-ն համապատասխան գործողություններ չի իրականացրել։
«Եթե մեր զինծառայողների վերադարձման պայմանը չկատարվի, ապա մշակում ենք համապատասխան պլաններ, որը այստեղ ներկայացնել չեմ կարող»,- նշեց Ասրյանը։
«Հակառակորդը փորձում է մեզ ուղղությունից շեղել,- նշեց ԳՇ պետի տեղակալը:- Մեր հստակ պայմանը գերեվարված հայ զինծառայողներին վերադարձնելն է, իսկ այնտեղից 1 ժամ անց հնչում է հետևյալ պայմանը՝ «մենք պատրաստ ենք հետ քաշել մեր ստորաբաժանումները՝ ինչպե՞ս սկսենք՝ առաջնահերթ դո՞ւք, թե՞ մենք»: Հարցից հետո հնչել է մեր պայմանը, որ վերդարձնեն գերեվարված զինծառայողներին, այնուհետև հաշվի կառնենք ուժերը և միջոցները հետ քաշելու առաջարկը»:
Մանրամասները՝ տեսանյութում:
