07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Եթե մենք 10-ին գերեվարենք, իրենք էլ կարող են 15-ին գերեվարել. բոլոր տարբերակները քննարկվում են. ՏԵՍԱՆՅՈՒԹ
Քաղաքականություն
27.05.2021 | 15:42
Ցանկացած պայմաններում հակառակորդին գերեվարելու հնարավորություն կա, ասուլիսում ասաց ՀՀ ԶՈՒ օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Էդվարդ Ասրյանը:
«Մենք էլ ունենք այդ տարածաշրջանում մեծաթիվ զինծառայողներ, ովքեր գտնվում են հակառակորդի հետ անմիջապես շփման պայմաններում և նույն գործընթացը կարող է շարունակվել իրենց կողմից: Այսինքն՝ 10-ին մենք գերեվարենք, 11-ին իրենք, կամ 20-ին՝ մենք, 15-ին իրենք գերեվարեն:
Եթե գնում ենք իրավիճակի հանգուցալուծման, երկու ուղի ունենք. առաջին՝ զենք չկիրառել, պայքարել, հարկադրել, բանակցել, ապացուցել, նրանց հետ շպրտել, և երկրորդ՝ կիրառել ուժ, հակառակորդին ստիպել նահանջել», – նշեց Ասրյանը:
Նրա խոսքով՝ այս կողմից ու այն կողմից զինծառայողների գերեվարելը նույնպես ռազմական ճանապարհ է, որը, սակայն, լուծման չի հանգեցնի: Ասրյանը նշեց, որ ԶՈՒ ԳՇ-ում բոլոր տարբերակները քննարկվում են, և համապատասխան որոշում կկայացվի:
ԳՇ պաշտոնյան նաև հայտնեց՝ հակառակորդի ստորաբաժանումները տարբեր ուղղություններով շրջափակման մեջ են. «Եղել են դեպքեր, որ մենք ստիպել ենք ու նրանք թողել են դիրքեր, հետ քաշվել: Դա մի քանի ուղղությամբ է եղել»:
Մանրամասները՝ տեսանյութում:
