30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մեզանից ուզում են խլել մեր ինքնիշխանությունը․ Փաշինյանը Կութ գյուղում է. ՏԵՍԱՆՅՈՒԹ
Քաղաքականություն
27.05.2021 | 14:50
Ի՞նչ է տեղի ունենում. մեզնից ուզում են խլել մեր ինքնիշխանությունը, պետությունը, հայրենիքը: Այս մասին Գեղարքունիքի մարզի Կութ համայնքում բնակիչների հետ հանդիպմանն ասաց ՀՀ վարչապետի պաշտոնակատար Նիկոլ Փաշինյանը:
«Ինչո՞ւ չի կարգավորել ԼՂ հակամարտությունը: Քանի որ ցանկացած կոմպրոմիս, որին համաձայնել է Հայաստանը, չի համաձայնել Ադրբեջանը՝ փորձելով ավելի մեծ զիջումներ կորզել:
Հստակ է, որ Ադրբեջանը խախտել է ՀՀ պետական սահմանը, այստեղ այլ կարծիք լինել չի կարող, չի կարող լինել նաև զիջման մասին խոսք: Սա մեր սուվերեն տարածքն է, և Ադրբեջանի զինուժը պետք է դուրս գա մեր տարածքից:
Այսօր մենք դիվանագիտական եղանակով պետք է այս օրակարգը առաջ մղենք և հստակ միջազգային պահանջ ձևակերպենք: ԱՄՆ-ը, ՌԴ-ն, Ֆրանսիան, Հնդկաստանը և այլ երկրներ ընդունում են, որ սա մեր տարածքն է, և Ադրբեջանի զինուժը պետք է դուրս գա, Եվրախորհրդարանը ընդունեց բանաձև՝ հստակ արձանագրելով այդ փաստը:
Մենք պետք է հետևողական, հավասարակշռված, հաստատակամ, ոչ նյարդային քայլերով հասնենք նրանց՝ մեր տարածքից դուրս գալուն: Էլի եմ խնդրում՝ չհավատալ, որ այստեղ որևէ դավադրություն կա»:
Մանրամասները՝ տեսանյութում:
