30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՀԱՊԿ-ի օպերատիվ արձագանքի հապաղումն է, միգուցե, հանգեցնում նման զարգացումների․ Մակունցը՝ զինծառայողների առևանգման մասին. ՏԵՍԱՆՅՈՒԹ
Քաղաքականություն
27.05.2021 | 10:19
Միջազգային գործընկերներին կոչ եմ անում պատադիր հստակ գնահատական և հստակ դիրքորոշում հայտնել Ադրբեջանի անթույլատրելի գործողությունների նկատմամբ: Այս մասին ԱԺ նիստի մեկնարկին նշեց ՀՀ ազգային ժողովի «Իմ քայլը» խմբակցության ղեկավար Լիլիթ Մակունցը՝ անդրադառնալով ադրբեջանցիների կողմից ՀՀ սահմանից 6 հայ զինծառայողի գերեվարման դեպքին:
«ՀՀ սահմանից մենք չենք կարող անվանել գերեվարում, դա առևանգում է: Եվ դա տեղի է ունենում այն պարագայում, երբ այսօր մեր միջազգային գործընկերները, մեր բոլոր գործընկերները պատշաճ գնահատական չեն տալ հասցնում և իրերն իրենց անունով չեն կոչում: Ես կոչ եմ անում մեր բոլոր գործընկերներին անպայման և պարտադիր կերպով հստակ գնահատական և հստակ դիրքորոշում հայտնել Ադրբեջանի անթույլատրելի գործողությունների նկատմամբ»,- ասաց նա:
Մակունցը հավելեց, որ հանրության, բոլորի մոտ ակնկալիք կա, որ ՀԱՊԿ-ը շատ օպերատիվ կերպով կարձագանքի տեղի ունեցող իրադարձություններին: «Եվ այդ օպերատիվ արձագանքի հապաղումն է միգուցե, որ հանգեցնում է նման զարգացումների և էսկալացիաների»,- նշեց Մակունցը:
Նրա խոսքով՝ հետագա լարումներից ու բախումներից խուսափելու համար այն անվտանգային համակարգը, որին մաս է կազմում ՀՀ-ն, այն միջազգային գործընկերները, ում անհանգստացնում են Հարավային Կովկասում տեղի ունեցող նման անթույլատրելի գործողություններն ու զարգացումները՝ ՀՀ տարածքային ամբողջականության, ինքնիշխան պետության նկատմամբ, պետք է հստակ գնահատական տան:
