30.06.2026 | 11:27
Օդաճնշիչ ատրճանակից կրակել է գետնին․ նախաձեռնվել է քրեական վարույթ
Պաշտպանության նախարարը կմեկնի Մոսկվա․ որոշ հարցերի պատասխան պետք է ստանանք․ Փաշինյան. ՏԵՍԱՆՅՈՒԹ
Քաղաքականություն
26.05.2021 | 17:48
Մենք շարունակելու ենք մեր խորհրդակցությունները ՀԱՊԿ-ի շրջանակում ՌԴ-ի հետ, որի հետ մենք, բացի ՀԱՊԿ շրջանակից, ունենք նաև երկկողմ անվտանգային համագործակցություն, Իրանի հետ ենք մենք խորհրդակցության մեջ, այսօր արտգործնախարարն էր Հայաստանում, բովանդակային շատ լուրջ քննարկումներ ենք ունեցել: Խորհրդարանում անկախ պատգամավոր Տիգրան Ուրիխանյանի հարցին ի պատասխան՝ նշեց վարչապետի պաշտոնակատար Նիկոլ Փաշինյանը:
«Պետք է արձանագրել, որ մեր հետպատերազմական անվտանգային համակարգը հիմա շատ լուրջ փորձություն է ապրում, և սա պետք է հաջողությամբ հաղթահարել: Համոզված ենք, որ այս փորձությունը ՀԱՊԿ-ը և հայ-ռուսական անվտանգային համագործակցությունը հաջողությամբ կհաղթահարի:
ՀՀ պաշտպանության նախարարը մեկնելու է Մոսկվա, հանդիպումներ և քննարկումներ է ունենալու ՌԴ պաշտպանության նախարարի հետ: Մենք հստակ արձանագրում ենք մեկ բան՝ Ադրբեջանի Զինված ուժերի ստորաբաժանումները պետք է մեր տարածքից դուրս գան:
Մենք ամեն ինչ անում ենք դիվանագիտական ճանապարհով հարցը լուծելու համար, բայց ողջամիտ լուծումներ չլինելու դեպքում մենք պիտի մեր տարածքային ամբողջականությունը, ինքնիշխանությունը պահպանելու և պաշտպանելու մասին մտածենք: Բայց ուզում եմ ընդգծել, որ ՌԴ-ն և ՀԱՊԿ-ն են մեզ հորդորում, որպես գործընկեր, քաղաքական եղանակներով հարցը լուծել»,- նշեց Փաշինյանը՝ ընդգծելով, որ ռազմական դրության անհրաժեշտություն այս պահին չի տեսնում: Այն կմտցվի միայն իրավիճակի կտրուկ սրման դեպքում»,- նշեց Փաշինյանը:
Մանրամասները՝ տեսանյութում:
