11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
«Թուրքը դու ես, շեֆդ է»․ «Սասնա ծռերի» աջակիցների ակցիան դատարանում
Հասարակություն
21.02.2018 | 17:17
Ինչպես արդեն տեղեկացրել էինք Շենգավիթ վարչական շրջանի ընդհանուր իրավասության դատարանում այսօր «Սասնա ծռերի» գործով դատական նիստը մեկնարկել էր լարված մթնոլորտում, փոխադարձ վիրավորանքներով։ Պավել Մանուկյանը դատախազի ելույթի ժամանակ, հարց էր ուղղել․ «Ինչո՞ւ եք այդ թուրքին այստեղ նստեցրել»։ Որին ի պատասխան մեղադրողը Մանուկյանին ասել էր․ «Թուրքը դու ես»։
Նիստին ներկա «Սասնա ծռերի» աջակիցները, ընդմիջման ընթացքում, պաստառներ էին բերել նիստերի դահլիճ, որոնց բովանդակությունն ուղղված էր մեղադրող Պետրոս Պետրոսյանին․ «Թուրքը շեֆդ է», «Թուրքը դու ես, Պետրոսիկ», «Թուրքը դու ես, ծախված» և այլ գրառումներով։
Նշենք, որ դատավորը սանկցիա էր կիրառել Պավել Մանուկյանի նկատմամբ՝ նրան 5 ժամով հեռացնելով նիստից, իսկ մեղադրողի նկատմամբ կիրառել էր սանկցիա՝ նախազգուշացման տեսքով։ Դատավորն այսօր հայտնել էր նաև, որ գործին ներգրավված հանրային պաշտպանները վթարի են ենթարկվել, սակայն մարմնական վնասվածնքեր չեն ստացել, վնասվել է միայն մեքենան։
Դատական նիստը հետաձգվել է մինչ հաջորդ շաբաթ։
