18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Անհավանական եմ համարում, որ ընտրվելուց հետո մեր ցուցակի գործարարները զբաղվեն բիզնեսով. Ալեքսանյան. ՏԵՍԱՆՅՈՒԹ
Քաղաքականություն
26.05.2021 | 14:01
«Քաղաքացիական պայմանագիր» կուսակցության նախընտրական ցուցակը Կենտրոնական ընտրական հանձնաժողով ներկայացրեց դրանք ԱԺ «Իմ քայլը» խմբակցության պատգամավոր Վահագն Ալեքսանյանը:
«Մեր ունեցած միակ ակնկալիքն այն է, որ ժողովրդի իշխանությունը Հայաստանում վերահաստատվելու է, թե ում միջոցով, դա թողնում ենք ժողովրդի ընտրությանը»,- այս մասին լրագրողների հետ զրույցում ասաց Ալեքսանյանը։ Նա նշեց, որ մոտ մեկ ժամից ՔՊ-ն կհրապարակի ամբողջական ցուցակը։
Անդրադառնալով իրենց ցուցակում գործարարներ ներգրավելու վերաբերյալ դիտարկմանը` Վահագն Ալեքսանյանը նշեց, թե Հայաստանում գործարարների՝ քաղաքականության մեջ ներգարավվածությանն ամենաշատը դեմ խոսող ուժը՝ «Քաղաքացու որոշումը», անցած ընտրություններին իր ցուցակում ևս ուներ գործարարներ։
«Այստեղ խնդիրը հետևյալն է՝ այն գործարարը, որն ընտրվում է Ազգային ժողովի պատգամավոր, ընտրվելու ու մանդատը ստանձնելուց հետո այլևս չպետք է զբաղվի գործարարությամբ։ Ես անհնարին եմ համարում, որ մեր ցուցակով ընտրված ցանկացած գործարար շարունակի զբաղվել բիզնեսով պատգամավոր դառնալուց հետո»,- նշեց Ալեքսանյանը:
Նշենք, որ գործարարներ Խաչատուր Սուքիասյանն ու Գուրգեն Արսենյանը մասնակցելու են առաջիկա արտահերթ խորհրդարանական ընտրություններին ՔՊ համամասնական ցուցակով։
Մանրամասները՝ տեսանյութում:
