18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Պետական ինստիտուտների արձագանքները դանդաղ են, ժամանակին չեն․ ՀՌՀ նախագահը՝ ապատեղեկատվության մասին. ՏԵՍԱՆՅՈՒԹ
Քաղաքականություն
26.05.2021 | 13:05
«Կարևորում եմ պատասխանատու մամուլի գոյությունը: Եթե մոնիթորինգ անենք գործող հեռուստաեթերը, կտեսնենք, որ հեռուստաալիքների 90 տոկոսը առավոտվանից երեկո սարսափ է տարածում, երկրում վիճակը ներկայացնում են ամենածանր գույներով և վկայակոչում են անհայտ աղբյուրներ, ֆեյք տեղեկատվություն: Մեր հանրությունը լսում է իրականության հետ կապ չունեցող ահասարսուռ նորություններ, և այդ սարսափը տեղափոխվում է հասարակության տարբեր շերտեր:
Դուք մեզ առաջարկություններ պետք է անեք, թե օրնեսդրական որ բացերը լրացնենք, որ ունենանք պատասխանատու մամուլ: Ի՞նչ պետք է անի ԱԺ-ն, որ աստիճանաբար կարողանանք մաքրվել այս աղբից»,- այս մասին նշեց ԱԺ պատգամավոր Սերգեյ Բագրատյանը՝ դիմելով ՀՌՀ նախագահ Տիգրան Հակոբյանին:
«Ամենակարևոր խնդիրը, որ կա Հայաստանում, մարդկանց հավաստի տեղեկատվություն ստանալու իրավունքի պաշտպանությունն է և ապահովումը, ինչը մենք չենք կարողանում անել՝ տարբեր պատճառներով…
Պատասխանատու մամուլ հասկացություն չկա, ամեն մեկն իր ձևով է դա ընկալում: Մամուլը, բացի իրազեկումից, նաև գումար պետք է աշխատի: Եվ ինչքան օպերատիվ է աշխատում և «դեղին» նյութեր հրապարակում, նրա լսարանն այդքան մեծ է, ցավոք այդ պահանջարկն էլ կա: Ամբողջ աշխարհում կան իրավական, հանրային վերահսկողության և ապարատի ճիշտ աշխատանքներ. մեզ մոտ ո՛չ մեկը, ո՛չ մյուսը, ո՛չ երրորդը չկա: Բացի դրանից՝ պետական տարբեր ինստիտուտների արձագանքները դանդաղ են, ժամանակին չեն»,- նշեց Հակոբյանը:
Մանրամասները՝ տեսանյութում:
