30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
Երևանում կրկին կրակոցներ են հնչել․ կորոնավիրուսի հետևանքով մահացել է 13 մարդ․ԼՈՒՐԵՐ
Քաղաքականություն
26.05.2021 | 12:02
Փաշինյանի և Պուտինի շփումներում համաձայնություն կա, որ Ադրբեջանը պետք է լքի ՀՀ տարածքը, այս մասին ասել է Հայաստանի անվտանգության խորհրդի քարտուղար Արմեն Գրիգորյանը. «ՀԱՊԿ-ը պարտավորություն ունի նաև առաքելություն ուղարկելու հակամարտության գոտի կամ ստեղծված իրավիճակում տվյալ պետության տարածք, որպեսզի առաքելությունը գնահատական տա: Մենք հույս ունենք, որ ՀԱՊԿ-ը առաքելություն կուղարկի»:
—–
ՀՀ արտաքին գործերի նախարարի պաշտոնակատար Արա Այվազյանը Հայաստանի «Զվարթնոց» միջազգային օդանավակայանում դիմավորել է Իրանի արտաքին գործերի նախարար Մոհամմադ Զարիֆին։
Ըստ Հայաստանի արտգործնախարարության՝ այցի շրջանակներում նախատեսված են հանդիպումներ նախագահ Արմեն Սարգսյանի, վարչապետի պաշտոնակատար Նիկոլ Փաշինյանի և արտգործնախարարի պաշտոնակատար Արա Այվազյանի հետ:
—-
«Իմ քայլի» երկու պատգամավորներ Արտակ Մանուկյանն ու Նիկոլայն Բաղդասարյանը հայտարարել են, որ չեն մասնակցելու հունիսի 20-ին կայանալիք արտահերթ ընտրություններին։
Պատգամավորները հորդորել են իրենց որոշմանս մեջ քաղաքական ենթատեքստեր չփնտրել։
—–
Երեկ կրակոցներ են հնչել Երևանում, որի հետևանքով վիրավորվել է 27-ամյա Հովսեփ Դ.-ն է: Դեպքի հանգամանքները պարզվում են։
—-
Հայաստանում հաստատվել է կորոնավիրուսային հիվանդության 130 նոր դեպք: Ունենք 323 առողջացած և 11 մահվան դեպք:
Ւս 2 անձ ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։
Մինչ օրս արձանագրվել է կորոնավիրուսային հիվանդության 222269 դեպք, որոնցից 211957-ն` առողջացած, 4411-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4822 պացիենտ
