07.10.2026 | 23:48
Արթուր Դանիելյանը կալանավորվեց
Իրանի ԱԳ նախարար Մոհամմադ Ջավադ Զարիֆը Երևանում է
Քաղաքականություն
26.05.2021 | 09:30
ՀՀ արտաքին գործերի նախարարի պաշտոնակատար Արա Այվազյանը Հայաստանի «Զվարթնոց» միջազգային օդանավակայանում դիմավորել է Իրանի արտաքին գործերի նախարար Մոհամմադ Զարիֆին։
Ըստ Հայաստանի արտգործնախարարության՝ այցի շրջանակներում նախատեսված են հանդիպումներ նախագահ Արմեն Սարգսյանի, վարչապետի պաշտոնակատար Նիկոլ Փաշինյանի և արտգործնախարարի պաշտոնակատար Արա Այվազյանի հետ:
Երեկ Զարիֆը Բաքվում էր եւ Ադրբեջանի նախագահ Իլհամ Ալիևի հետ հանդիպման ժամանակ Իրանի արտգործնախարար Մոհամադ Ջավադ Զարիֆն ասել է՝ «այսօր դուք կարող եք պատմական դեր խաղալ տարածաշրջանում խաղաղության հաստատման գործում»:
«Մենք ցանկանում ենք շնորհակալություն հայտնել ձեզ Հայաստանի հետ խաղաղության հասնելու պատրաստակամության մասին ձեր հայտարարության համար: Դա շատ կարևոր է: Մենք պատրաստ եք ցանկացած դեր խաղալ ազատագրված տարածքների վերակառուցման և վերականգնման հարցում», – նշել է Իրանի ԱԳ նախարարը:
Ադրբեջանական աղբյուրների փոխանցմամբ՝ Զարիֆը նաև շնորհավորել է Ալիևին ադրբեջանական հողերը վերադարձնելու համար:
Սա Իրանի արտգործնախարարի երկրորդ այցն է Ադրբեջան և Հայաստան՝ ղարաբաղյան պատերազմից հետո:
